އެއްކޮޓަރީގެ ފްލެޓްތައް ކުއްޔަށް ދެނީ ، ރައީސް ޔާމީން މިނިވަން ކުރަން ނިކުތުން ނޫން ގޮތެއް ނެތް:މުސްތަފާ
ސަރުކާރަށް ލިބޭ ފައިސާ މަދުވެގެން ހިޔާ މަޝްރޫޢުގެ އެއް ކޮޓަރީގެ ފްލެޓްތައް ކުއްޔަށް ދޭން ސަރުކާރުން މަސައްކަތް ކުރަމުން ދާ ކަމަށާއި ރައީސް ޔާމީން ސަލާމާތް ކުރުމަށް ރައްޔިތުން އެއްކޮށް ނިކުތުން ނޫން ގޮތެއް ނެތް ކަމަށް ރައްޔިތުން މަޖިލީހުގެ ތިމަރަފުށީ ދާއިރާގެ ކުރީގެ މެމްބަރު މުހައްމަދު މުސްތަފާ ވިދާޅުވެއްޖެއެވެ.
މުސްތަފާ މިހެން ވިދާޅުވެފައި މިވަނީ ހިޔާ މަޝްރޫޢުގެ ދަށުން ރައީސް ޔާމީންގެ ސަރުކާރުން އެޅުއްވި 7000 ފްލެޓް އޭގެ ހައްގުވެރީންނަށް ދިނުމަށް ކަމަށް ވިދާޅުވެ ، ކުރީން ފްލެޓް ކަށަވަރުވީ އެތައް ބަޔަކު ލިސްޓުން އުނި ކޮށްފައިވާ ދަނޑިވަޅެއްގައެވެ. ހަމަ އެހެންމެ އެއް ކޮޓަރީގެ ފްލެޓްތައް ލިބުނު މީހުންނަށް ފްލެޓް ނުލިބޭނެ ކަމަށް އަންގާފައިވާއިރު މުސްތަފާ ވިދާޅުވެފައި ވަނީ އެ ފްލެޓްތައް މަހަކު 13 ހާސް ރުފިޔާއަށް ކުއްޔަށް ދިނުމަށް ނިންމާފައިވާ ކަމަށެވެ.
މީގެ އިތުރުން އެއް ކޮޓަރީގެ ފްލެޓްތަކެއް ވިއްކާލާފައިވާ ކަމުގެ ޚަބަރުތަކެއް ވެސް މީޑިއާއަށް ވަނީ ފެންމަތިވެފައެވެ. މި ޚަބަރުތަކާއެކު އެކަމަށް ކުރީގެ މެމްބަރު މުސްތަފާ ވަރަށް ބޮޑަށް ފާޑުވިދާޅުވިއިރު އެމަނިކުފާނު ވިދާޅުވެފައި ވަނީ މި ސަރުކާރު ވެރިކަމަށް އައީ ހުރިހާ ވައުދުތަކެއް ވެގެން ކަމަށާއި އައިސް ފެށީ ބޮޑު މުނާފިގު ސަރުކާރެއް އޮޕަރޭޓް ކުރަން ކަމަށެވެ.
ތިޔައީތެދެއް މުސްްްްތަފާތެދެއްބުނީމަވާނީތެދަކަށް