ރާއްޖެއިން ޤައުމުތަކާއެކު އޮންނަ ގުޅުން ކޯވިޑާއެކު ހާމަވެއްޖެ: ރޮޒައިނާ

ކޯވިޑް-19ގެ ހާލަތުގައި ދުނިޔޭގެ ޤައުމުތަކާއި ރާއްޖެއާ ދެމެދު ގުޅުން އޮތް މިންވަރު ހާމަވެއްޖެ ކަމަށް ރައްޔިތުންގެ މަޖިލީހުގެ އައްޑޫ މީދޫ ދާއިރާގެ މެމްބަރު ރޮޒައިނާ އާދަމް ވިދާޅުވެއްޖެއެވެ.

Ads by Hajj Corporation

ރޮޒެއިނާ މިހެން ވިދާޅުވެފައި ވަނީ ޕީއެސްއެމް ނިއުސްއިން ގެނެސްދޭ "ބާބު 3" ޕްރޮގުރާމުގައި ވާހަކަ ދައްކަވަމުންނެވެ. އޭނާ ވިދާޅުވީ ރާއްޖެއާއި އެހެން ގައުމުތަކާ ދެމެދު އޮންނަ ގުޅުން ކޮވިޑް-19 ގެ ސަބަބުން ހާމަަވެއްޖެ ކަމަށެވެ.

"މިކޮވިޑްގެ ތެރޭގައިވެސް ކޮންޤައުމަކުންތޯ އަޅުގަނޑުމެންނަށް އެހީތެރިކަން ފޯރުކޮށް ނުދެނީ. އެންމެ ކުޑަމިނުން ޗައިނާއިން ވެސް ފޯރު ކޮށްދިން. އިންޑިޔާއިން ވެސް، އިނގިރޭސި ވިލާތުން ވެސް އެހެން ތަންތަނުން ވެސް އަޅުގަނޑުމެންނަށް ބޭނުންވާ އެހީތެރިކަން ފޯރުކޮށްދިން.” ރޮޒެއިނާ ވިދާޅުވިއެވެ.

އިތުރަށް ވާހަކަ ދައްކަމުން އޭނާ ވިދާޅުވީ މި ދަނޑިވަޅުގައި ރާއްޖޭގެ ޚާރިޖީ ސިޔާސަތުގެ ހަރުދަނާކަން ފެނިގެން ގޮސްފައިވާ ކަމަށެވެ.

އަދި ނިމި ދިޔަ ރައީސް ޔާމީންގެ ވެރިކަމުގައި ގެންގުޅުއްވި ޚާރިޖީ ސިޔާސަތަކީ ދުނިޔެއާ ބީރައްޓެހި އެކަހެރި ސިޔާސަތެއް ކަމަށެވެ. ނަމަވެސް ރައީސް ޞާލިހު ވެރިކަމާ ހަވާލުވެ އެންމެ އިސްކަން ދެއްވީ ދުނިޔެއާ އެކަހެރިވެގެން އޮތް އޮތުން ނިމުމަކަށް ގެނެސް، އެކީގައި ގުޅިގެން މަސައްކަތް ކުރެއްވުމަށް ކަމަށް ރޮޒައިނާ ވިދާޅުވިއެވެ.