ތުރުކީގެ އަސްކަރީ ހެލިކޮޕްޓަރެއް ވެއްޓި 11 މީހުން މަރުވެއްޖެ

ތުރުކީގެ އަސްކަރީ ހެލިކޮޕްޓަރެއް ވެއްޓި 11 މީހުން މަރުވެއްޖެއެވެ.
މި ހެލިކޮޕްޓަރު ވެއްޓިފައި ވަނީ ތުރުކީގެ އަވަށެއް ކަމަށްވާ ޓަޓަވަންއާ ކައިރި ހިސާބަކަށް ކަމުގައި ބޭރުގެ މީޑިއާތަކުން ރިޕޯޓް ކުރެއެވެ.
މީގެ އިތުރުން މި ހެލިކޮޕްޓަރަކީ ޓަޓަވަންއާ ކައިރި ހިސާބެއް ކަމަށްވާ ބިންގޮއުލް އިން ޓަޓަވަން އަށް ދަތުރު ކުރަމުން ދިޔަ ހެލިކޮޕްޓަރެއް ކަމަށް މީޑިއާތަކުން ރިޕޯޓް ކުރެއެވެ. ދަތުރުގެ ވަކި ހިސާބަކުން ހެލިކޮޕްޓަރު ވެއްޓުނީ ހެލިކޮޕްޓަރުގެ ކަނެކްޝަން ގެއްލުމުންނެވެ.
މި ހާދިސާގައި މަރުވި 11 މީހުންގެ ތެރެއިން 9 މީހުން ހާދިސާ ހިނގި ވަގުތު މަރުވެފައިވާ އިރު ދެމީހުން މަރުވެފައި ވަނީި ލިބުނު އަނިޔާތަކަށް ހޮސްޕިޓަލުގައި ފަރުވާދެމުން ދަނިކޮށެވެ.މަރުވި މީޙުންގެ އިތުރުން ވެސް ދެ މީހަކަށް މި ހާދިސާގައި އަނިޔާ ލިބިފައި ވެއެވެ.
މި ހާދިސާގައި މަރުވި ފަރާތްތަކުގެ އާއިލާތަކަށާއި ތުރުކީގެ އަސްކަރިއްޔާ އަށް ދުނިޔޭގެ އެކި އެކި ޖަމިއްޔާތަކުން ވަނީ ތައުޒިޔާ ފޮނުވާފައެވެ.