"މަގޭ ފްލެޓް"އަށް ވީ ގޮތް މާލޭ ސަރަހައްދުގައި ދިރިއުޅޭ ރައްޔިތުންނަކަށް ނޯޅޭ: ރައީސް ނަޝީދު
"މަގޭ ފްލެޓް"އަށް ވީ ގޮތެއް މާލޭ ސަރަހައްދުގައި ދިރިއުޅޭ ރައްޔިތުންނަކަށް ނޯޅޭ ކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެެއްޖެއެވެ.
ކުރިއަށް އޮތް ލޯކަލް ކައުންސިލް އިންތިޚާބުގައި އެމްޑީޕީގެ ޓިކެޓްގައި ހުޅުމާލެ ދާއިރާއަށް ވާދަކުރައްވާ ކެނޑިޑޭޓް ރިޒްނާ ޒަރީރުގެ ކެމްޕޭން ޖަގަހަ ހުޅުވުމަށް މިއަދު ހަވީރު ބޭއްވި ރަސްމިއްޔާތުގައި ވާހަކަ ދައްކަވަމުން ރައީސް ނަޝީދު ވިދާޅުވީ "ކޮބާހޭ މަގޭ ފްލެޓް" ބުނާ އަޑު އެބަ އިޥޭ ކަމަށާއި ނަމަވެސް އެ ފްލެޓްތަކަށް ވީގޮތް ނޭނގިގެން އެއްވެސް ބަޔަކު ނޫޅޭ ކަމަށެވެ. އަދި އެ ފްލެޓްތަކަށް ވީ ގޮތް ވަރަށް ސާފުކޮށް އެނގޭ ކަމަށް ވެސް ނަޝީދު ވިދާޅުވިއެވެ.
މީގެ އިތުރުން ރައީސް އިބްރާހިމް މުހައްމަދު ޞާލިހު ވެރިކަމާ ހަވާލުވެ އުފެއްދެވި ފްލެޓް ކޮމިޓީއިން ބެލި ބެލުމުން ވަރަށް ގިނަ ކަންކަން ހާމަވެފައިވާ ކަމަށާއި އެގޮތުން 2018 ވަނަ އަހަރު މާލޭގެ ގެތަކުގެ ދަފްތަރުގައި 1900އަށް ވުރެ ގިނަ މީހުން ރަޖިސްޓްރީކޮށް ދިރިއުޅުމުގެ ހާލަތަށް އެއްވެސް ވަރަކަށް ނުބަލާ ފްލެޓް ދީފައިވާ ކަމަށް ނަޝީދު ފާހަގަ ކުރެއްވިއެވެ. އަދި މީގެ އިތުރުން ސިވިލް ސާރވިސް ކެޓަގަރީ އިން ވެސް ދިރިއުޅުމުގެ ހާލަތަށް އެއްވެސް ވަރަކަށް ނުބަލާ 1000 ފްލެޓް މިދިޔަ ސަރުކާރުން ދީފައިވާކަމަށް ނަޝީދު ތުހުމަތު ކުރެއްވިއެވެ.
މީގެ އިތުރުން ރައީސް ނަޝީދު ވަނީ ރައީސް ޔާމީންގެ ސަރުކާރުގައި ކަންތައްތައް ކުރެއްވި ގޮތުގެ ސަބަބުން ހުޅުމާލެއިން ދެ މިލިއަން އަކަފޫޓުގެ ބިން އެކިއެކި ކޮންޓްރެކްޓްތަކުގައި ތާށިވެ ނުހެދި އޮތް ކަމަށް ވެސް ތުހުމަތު ކުރައްވާފައެވެ.
މީގެ އިތުރުން އެމަނިކުފާނު ވިދާޅުވީ މި ސަރުކާރުން ވެރިކަމާ ހަވާލުވެ ފްލެޓް ކޮމިޓީއެއް އެކުލަވާލައި ފްލެޓް ލިބޭނެކަމަށް ބެލެވޭ މީހުންގެ ލިސްޓު އާންމު ކުރީ ވަރަށް ރަނގަޅަށް ބެލުމަށް ފަހު ކަމަށެވެ. އެގޮތުން ދިރިއުޅުމުގެ ހާލަތަށް ވެސް ބަލައިފައި ވާނެ ކަމަށް އެމަނިކުފާނު ފާހަގަ ކުރެއްވިއެވެ. އަދި ލަސްތަކެއް ނުވެ ފްލެޓްގެ މައްސަލަ ހައްލުވެ އެކަން ނިމިގެން ދާނެ ކަމަށް ވެސް ރައީސް ނަޝީދު ވިދާޅުވިއެވެ.
މިހާރު އެކުލަވާލާފައިވާ ލިސްޓްގައި ގޯހެއް އޮތަސް އެގޯހަކީ މަނިކުފާނުގެ ބައިވެރިވުން އޮތް ލިސްޓެކެވެ. މަނިކުފާނަށް ކަމެއް ނުކުރެވި، ވެރިކަމުން އިސްތިޢުފާ ދެއްވަން ޖެހުނީވެސް އަނގަ ގަދަވެފައި ކިޔޭ ނުކިޔޭ އެއްޗެއް ނޭގޭތީ.