މާމެންދޫ ގޮނޑުދޮށަށް ގޮތް ނޭނގޭ 44 ޕާރުސަލް ލައްގައިފި

ގއ. މާމެންދޫ ގޮނޑުދޮށަށް ގޮތް ނޭނގޭ ޕާރުސަލްތަކެއް ލައްގައިފިއެވެ.

Ads by STELCO

ފުލުހުން ބުނީ މިއަދު ހެނދުނު 6:35 ހާއިރު، ގއ. މާމެންދޫގެ ދެކުނު ފަރާތުގެ ގޮނޑުދޮށަށް ގޮތްނޭނގޭ ޕާރުސަލްތަކެއް ލައްގާފައިވާކަމުގެ މަޢުލޫމާތު ފުލުހުންނަށް ލިބިފައިވާ ކަމަށެވެ. އެގޮތުން 44 ޕާރުސަލް ލައްގާފައިވާ ކަމަށް ފުލުހުން ބުނެއެވެ.

އެ ޕާރުސަލްތަކުގައި ހުރި އެއްޗެއް ތަހުލީލު ކުރުމަށް ކުރަންޖެހޭ މަސައްކަތް ކުރަމުންދާ ކަމަށް ވެސް ފުލުހުން ބުނެއެވެ.

ދާދިފަހުން ސިފައިން ތަމްރީނު ހަދަމުން އަންނަ ކ. ގިރިފުށި ފަޅުތެރެއަށް ވެސް ގޮތް ނޭނގޭ ޕާރްސަލެއް ވަނީ ލައްގާފައެވެ. ނަމަވެސް ފަހުން ބެލި ބެލުމުން އެއީ ފަތްތަކެއްކަން ވަނީ އެނގިފައެވެ.