ކަރަންޓީނާ ނުލައި ކެމްޕޭން ކުރެވޭނެ އުސޫލަށް އިސްލާހު ގެނައީ ސަރުކާރަކުން ނޫން: ރޮޒައިނާ
ކަރަންޓީނު ނުވެ ކެމްޕެއިނު ކުރުމަށް ރަށްރަށަށް ނުދެވޭ ގޮތަށް ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ނެރުނު އުސޫލަށް އިސްލާހު ގެނައީ ސަރުކާރުން ނޫން ކަމުގައި އައްޑޫމީދޫ ދާއިރާގެ މެންބަރު ރޮޒައިނާ އާދަމް ވިދާޅުވެއްޖެއެވެ.
"ކޮވިޑް-19ގެ ހާލަތުގައި ރައްކާތެރިކަމާއެކު ލޯކަލް ކައުންސިލް ތަކުގެ އިންތިޚާބު ކުރިއަށް ގެންދިއުމުގައި އަމަލު ކުރަންވީ ގޮތުގެ އުސޫލަށް ފުރަތަމަ އިސްލާހު ގެނައުމުގެ އުސޫލު" އާންމުކުރުމާއެކު، އާންމުންގެ ފާޑުކިޔުންތަކާއި ކަންބޮޑުުވުންތަކުގެ ސަބަބުން އެޗްޕީއޭއިން ވަނީ މި އުސޫލުގެ 12 ވަނަ މާއްދާއަށް ގެނައި އިސްލާހުގައި ، އިންތިޚާބުގައި ވާދަ ކުރާ ކެނޑިޑޭޓުންނަށް ކެމްޕޭން ކުރުމަށް ކަރަންޓީން ނުވެ ދަތުރު ކުރެވޭ ގޮތަށް ގެނައި އިސްލާހު ބާތިލްކޮށްފައެވެ.
މިކަމާ ގުޅުވައިގެން "ރާއްޖެޓީވީ" އަށް ދެއްވި އިންޓަވިއުއެއްގައި ރޮޒައިނާ ވިދާޅުވީ އެޗްޕީއޭއިން ނެރުނު އުސޫލުގައި ސަރުކާރުގެ އެއްވެސް ދައުރެއް ނޯންނާނެ ކަމަށާއި އެ އިސްލާހު ގެނައީ ސަރުކާރުން ބާރު އަޅައިގެން ނުވަތަ އިސްނަގައިގެން ނޫން ކަމަށެވެ.
މީގެ އިތުރުން މި އިސްލާހު ގެނެވުނީ އިލެކްޝަން ކޮމިޝަނުން ރައްޔިތުންގެ މަޖިލީހުގެ މިނިވަން މުއައްސަސާތަކުގެ ކޮމިޓީއަށް ހާޒިރު ކުރެވުނު ދުވަހު ކަމަށް ބެލެވޭ ކަމަށް ރޮޒައިނާ ފާހަގަ ކުރެއްވިއެވެ.
އެޗްޕީއޭއިން ނެރުނު އެ އުސޫލުގައި ބުނެފައި ވަނީ ކެނޑިޑޭޓުން ތާއީދު ހޯދުމަށް މަސައްކަތް ކުރުމުގައި އަމަލު ކުރަން ވާނީ އެ އޭޖެންސީން ކަނޑައަޅާ އުސޫލެއްގެ ދަށުން ކަމަށެވެ. އަދި ތާއީދު ހޯދުމަށް ކެމްޕޭން ދަތުރުތައް ކުރަން ވާނީ އެ އޭޖެންސީން އެކަމަށް ހާއްސަކޮށް ކަނޑައަޅާ ގައިޑްލައިނާ އެއްގޮތްވާ ގޮތުގެ މަތިން ކަމަށް ވެސް އެ އުސޫލުގައި ބުނެފައި ވެއެވެ.
އެ އުސޫލުގައި އިތުރަށް ބުނެފައި ވަނީ އެޗްޕީއޭ އިން އާންމު ކުރާ ގައިޑްލައިނާ ޚިލާފު ވެއްޖެ ނަމަ އެ ކެނޑިޑޭޓަކަށް ނުވަތަ ފަރާތަކަށް ތާއީދު ހޯދުމަށް އެއް ރަށުން އަނެއް ރަށަށް ދަތުރު ކުރެވޭނީ އެ އޭޖެންސީގެ ކަރަންޓީނު ކުރުމުގައި އަމަލު ކުރާ އުސޫލާ އެއްގޮތްވާ ގޮތުގެ މަތިން ކަމަށެވެ.
މި އުސޫލު އާންމު ކުރުމާއެކު ގިނަ އަދަދެއްގެ އާންމު ރައްޔިތުންގެ އިތުރުން، ޑޮކްޓަރުންނާއި ބައެއް ސިޔާސީ ފަރާތްތަކުން ވެސް ވަނީ މި އުސޫލަށް ވަރަށް ބޮޑަށް ފާޑު ކިޔާފައެވެ.
ސަރުކާރުން ކުރިކަމެއް ރޮޒޭ ބުނެބަލަ..އެއުޅެނީ ފިނިހަކަ ދުވެލޭގައި ކިހިނެއް ކަމެއްކުރާނީ..
ހާދަ ސަރުކާރުވެގެންދޯ؟ އެހެހެއްނޫންވާނީވެސް މިސަރުކާރުނެތީއޔާ މިމީސްމީހުނަށ މިބޮޑާކަމާޖާހަތުގެއލި ބިކަވެދާނެ އެެެެނޫން ދޯ؟
ރޮޒައިނާގެ އަތުގައި އޮތް ޤާނޫނީ ވަކީލު ކަމުގެ ސަނަދާ މެދު ސުވާލު އުފެދޭ. އެބޭފުޅާ އަކަށް ނޭގުނު އެޗް.ޕީ.އޭ އަކީ ދައުލަތުގެ މުވައްސަސާއެއް ކަމެއް ނުވަތަ އެން.ޖީ.އޯ އެއް ކަމެއް. އެޗް.ޕީ.އޭ އަކީ ޑޮނާޑް ގާމެންޓްސް ފަދަ އަމިއްލަ ޖަމާޢަތެއްތޯ؟ ހައިރާންވޭ. ބަލަގަ މިރާއްޖޭގެ މީހުން މާސްކްއެޅުމާއި، ޖޫރިމަނާ ކުރުމާއި، ޤައުމު ފުރަބަންދަކަށް ގޮސްގެން އުޅޭތާ އަހަރަށްވުރެ ގިނަވިއިރު އަދި ކިރިޔާ ރައްޔިތުންނަށް ހޭވެރިކަން މިވީ އެޗް.ޕީ.އޭ އަކީ ދައުލަތުގެ މުވައްސަސާއެއް ނޫންކަމާއި، އެތަނުން ކުރާ އަމުރަކީ ސަރުކާރުގެ އަމުރެއް ނޫންކަންވެސް. ދެން ލަލަލާ. މިވަރުގެ ދެބަނދިހަރެއް އަދި ނުދެކެން. ސާބަސް. ކަބުލޯއަށް. ޤައުމާއިގެން ކުރިޔަށް.
އެހެންތަ! އެވަރު ކަމެއްވެސް ނުކުރެވުނު؟ ދެން ކޮންކަމެއް ކުރެވޭނީ!