ރިސޯޓް މުވައްޒަފުން ވޯޓުން މަހުރޫމް ކުރުމަށް އުސޫލުތައް ދަނީ ހަރުކަށި ކުރަމުން: ޝުޖާއު
ކުރިއަށް އޮތް ލޯކަލް ކައުންސިލް އިންތިހާބުގައި، ރިސޯޓު މުވައްޒަފުންނަށް ވޯޓު ލުމުން މަހުރޫމް ކުރަން އުޅޭ ކަމަށް ބުނެ، މާލެސިޓީ ކައުންސިލް ހުޅުމާލެ ދާއިރާއަށް ވާދަ ކުރައްވާ ޕީއެންސީގެ ނައިބު ރައީސް އިބްރާހިމް ޝުޖާއު ވަރަށް ބޮޑަށް ފާޑު ވިދާޅުވެއްޖެއެވެ.
ޝުޖާއު ކުރެއްވި ޓްވީޓެއްގައި އޭނާ ވަނީ ކުރިއަށް ލޯކަލް ކައުންސިލް އިންތިހާބަކީ ޑިމޮކްރަސީގެ އަސާސްތަކާ މުޅިން ހިލާފަށް ބޭއްވޭ އިންތިހާބެއްގެ ގޮތުގައި ސިފަ ކޮށްފައެވެ.
އަދި ކައުންސިލް އިންތިހާބަކީ ރާއްޖޭގައި ބޭއްވޭ އެންމެ ނާއިންސާފު، ހައްޤުތަކުން މަހުރޫމް ކުރެވިގެން ބޭއްވޭ އިންތިހާބު ކަން ފާހަގަކުރައްވައި ޝުޖާއު ވިދާޅުވީ ރިސޯޓް މުވައްޒަފުން ވޯޓުން މަހުރޫމް ކުރުމަށް އުސޫލުތައް ހަރުކަށި ކުރަމުންދާ ކަމަށެވެ.
އަންނަ އޭޕްރީލް މަހުގެ 10 ވަނަ ދުވަހު ބާއްވަން ނިންމާފައިވާ އިންތިހާބުގައި، ވޯޓް ދެވޭ 272,480 މީހުންގެ ތެރޭގައި ހިމެނެނީ އަތޮޅުތަކުގެ ރައްޔިތުންގެ ތެރެއިން 220،981 މީހަކާއި މާލެ ސިޓީއަށް ނިސްބަތްވާ 51،499 މީހެކެވެ. އިންތިހާބުގައި ވޯޓުލުމަށް ރިސޯޓުތަކުގައި 121 ވޯޓުފޮށި ބެހެއްޓުމަށް ވަނީ ނިންމާފައެވެ.
ކުރާ ކަމެއްނުބުނެވޭ.. ހުސްއަނގަތަޅަނި.. 140 ރިސޯޓުގަ ފޮށިބަހައްޓާކަންވެސް ނޭންގެނީތޯ ހަމަ؟
ކޮންމެހެން ރިސޯރޓް މުއައްޒަފުންނަށް މާހެޔޮއެދޭކަން ދައްކަށް އެކަކުވެސް އުޅޭނެކަމެއްނެތް ފަސްއަހަރު ވެރިކަންކޮށްފަ ދިޔައިރު ކޮށްދެވުނީކޮންކަމެއް މާތްކަލާކޮ ރިސޯރޓް ކުދިނާނުގެޅެ އެކުދިންވީހާލެއްގަވާންދޫކޮށް ސިޔާސީމީހުން ތިކުޅޭކުޅިގަނޑު ކުޅެވޭތޯބަލާ