ކާފިއު ގަޑީގައި މަޖިލީހުގެ މެންބަރުންނަށް ބޭރުގައި އުޅެވޭނެގޮތް ހަދަން އެދިއްޖެ
ރައްޔިތުންގެ މަޖިލީހުގެ މެންބަރުންނަށް ކާފިއު ގަޑީގައި ބޭރުގައި އުޅެވޭނެގޮތް ހެދުމަށް ރައްޔިތުންގެ މަޖިލީހުގެ ޢާންމު ކޮމިޓީން، މަޖިލީހުގެ ރައީސް މުޙައްމަދު ނަޝީދަށް ސިޓީއެއް ފޮނުވުމަށް ނިންމައިފިއެވެ.
މަޖިލީހުގެ ރައީސްއަށް ސިޓީއެއް ފޮނުވަން ކޮމިޓީން މިއަދު ފާސްކޮށްފައި ވަނީ މަޖިލިސް މެންބަރުންގެ އިއްތިފާޤުންނެވެ.
މިގޮތަށް ނިންމާފައި ވަނީ މަޖިލީހުގެ މެންބަރުންނަކީ މަޖިލީހުގެ މަސައްކަތުގެ ގޮތުންނާއި ދާއިރާގެ ކަންކަމުގައި ވެސް ކޮންމެ ވަގުތެއްގައިވެސް ބޭރުގައި އުޅެންޖެހޭ ބަޔަކަށް ވާތީ، އުޅަނދު ދުއްވުން މަނާގަޑީގައި، މަޖިލީހުގެ މެންބަރުން އިސްތިސްނާ ވާގޮތަށް ހެދުމަށެވެ.
މާލޭ ސަރަހައްދުގައި ފައްސިވާ މީހުން އިތުރުވާން ފެށުމުން އެޗްޕީއޭއިން ވަނީ ރޭގަނޑު 8:30 އިން ފަތިހު 4:30އަށް އެއްގަމު އުޅަނދު ދުއްވުން މަނާ ކޮށްފައެެވެ. އަދި ރޭގަނޑު 11:00 އިން ފެށިގެން ފަތިހު 4:30 އަށް ކާފިއު ހިންގަން ނިންމިއެވެ. ނަމަވެސް އޭގެ ފަހުން ފިޔަވަޅުތައް ހަރުކަށިކޮށް އިރުއޮއްސި ހަޔަކުން ހެނދުނު ހަޔަކަށް ވެހިކަލް ދުއްވުން ވަނީ މަނާ ކޮށްފައެވެ.
މީގެ އިތުރުން ކަސްރަތު ކުރާ މީހުންނާއި އުމުރުން ދުވަސް މީހުންނަށް ފިޔަވައި، ޕާކުތައް ވެސް ވަގުތީ ގޮތުން ބަންދުކުރަން އަންގާފައިވާއިރު، ގިނަ ބަޔަކު އެއްވެގެން ކުރިއަށް ގެންދާ ކުޅިވަރު ހަރަކާތްތަކާއި ޓީމު ކުޅިވަރުތައް ކުޅުން ވެސް ވަނީ މަނާ ކޮށްފައެވެ.
ނުޖެހޭނެ މަޖިލިސް މެންބަރުންނަން ވަކި އެގަޑި ތަކުގައި އުޅެވޭގޮތް ހަދައިދޭކަން