ރޭޕް މައްސަލައިގައި ތުހުމަތު ކުރެވޭނެ ހެއްކެއް ނެތް: ފުލުހުން
އުމުރުން 14 އަހަރުގެ ކުޑަ އަންހެން ކުއްޖަކަށް ޓީޗަރަކު ޖިންސީ ގޯނާ ކުރިކަމުގެ ތުހުމަތުގައި މިހާތަނަށް އެއްވެސް މީހެއްގެ މައްޗަށް ހެކި ނުލިބޭ ކަމުގައި ފުލުހުން ވިދާޅުވެއްޖެއެވެ.
އެ އަންހެން ކުއްޖާއަށް ޖިންސީ ގޯނާކުރީ ސްކޫލް ޓީޗަރަކާއެކު އިތުރު ތިން މީހަކު ކަމަށް ވެސް ވާހަކަ ދެކެވެމުން ދިޔައެވެ. ނަމަވެސް އިތުރު ތިން މީހަކު އުމުރުން އެ އަންހެން ކުއްޖާއަށް ޖިންސީ ގޯނާ ކުރިކަމަށް ފުލުހުންނަށް ހުށަހަޅާފައި ނުވާ ކަމަށް ފުލުހުން އިއްޔެ ވިދާޅުވިއެވެ.
ފުލުހުން ވިދާޅުވީ އުމުރުން 18 އަހަރު ނުފުރޭ އަންހެން ކުއްޖަކަށް ޖިންސީ ގޯނާ ތުހުމަތު ކުރެވޭ މައްސަލައެއް މިމަހުގެ 11 ވަނަ ދުވަހު ފުލުހުންނަށް ހުށަހެޅިފައިވާ ކަމަށާއި މި މައްސަލައިގައި ވަކި މީހެއްގެ މައްޗަށް ތުހުމަތު ކުރެވޭ ހެކި މިހާތަނަށް ތަހުގީގަށް ލިބިފައި ނުވާ ކަމަށެވެ.
މިމައްސަލައިގެ ތަހުގީގުގައި ކުރަންޖެހޭ މަސައްކަތްތައް ޖެންޑާ މިނިސްޓްރީއާ ގުޅިގެން ކުރަމުން ގެންދާ ކަމަށް ވެސް ފުލުހުން ވިދާޅުވިއެވެ.
ޖެންޑާ މިނިސްޓްރީން މިމައްސަލައާ ގުޅިގެން "ދެން" އަށް މައުލޫމާތު ދެއްވަމުން ވިދާޅުވީ މެދު ރާއްޖެތެރޭ ރަށެއްގައި އުމުރުން 14 އަހަރުގެ އަންހެން ކުއްޖަކަށް ޖިންސީ ގޯނާ ކުރި ކަމަށް ތުހުމަތު ކުރެވޭ މައްސަލައެއް މިމަހުގެ 10ވަނަ ދުވަހު އެ މިނިސްޓްރީގެ ސަމާލުކަމަށް އައިސްފައިވާ ކަމަށެވެ. އެކުއްޖާ މިހާރު ވަނީ ރައްކާތެރި މާހައުލެއްގައި ކަމަށް ވެސް ޖެންޑާއިން ވިދާޅުވެފައި ވެއެވެ.
ނަން ހާމަ ނުކުރުމަށް އެދި "ދެން" އަށް މައުލޫމާތު ދިން މީހަކު ބުނީ، ކުއްޖާއަށް ޖިންސީ ގޯނާ ކޮށްފައިވާކަން ހެދި މެޑިކަލް ޓެސްޓަކުން ވެސް އެނގިފައިވާ ކަމަށެވެ.
ރޭޕް ކޭސްގެ މައްސަލަ ހޫނުވެ، އެކަން ހިނގައިދިޔަ ރަށުގައި ރޭ ވަނީ މުޒާހަރާ ވެސް ކޮށްފައެވެ.
މި ޒަމާނުގައި 14 އަހަރުގެ 99 އިންސައްތަ ކުދިންނަށް ޖިންސީ ގޯނާ ކޮށްފައިވާކަން މެޑިކަލް ޓެސްޓެއް ހަދާފިއްޔާ އެނގޭނެހެން ހީވަނީ.. 14 އަހަރު ވީމަ އެކުދިންގެ އިނގިލި ތަކުގަ ވަތުޖެހި ކެރެޓު، ބަށި ކޮށަން ދަސްވެފަ ހުންނާނީ.. މިހެން ބުނީތީ އަހަރެން ޒަމާން ދުށްވާނުލާތި!