މަހަށް ގޮސް އުޅެނިކޮށް ހާލު ދެރަވި މީހާ ނިޔާވެއްޖެ

މަހަށް ގޮސްގެން އުޅެނިކޮށް ހާލު ދެރަ ވެގެން، ކުޅުދުއްފުށީ ރީޖަނަލް ހޮސްޕިޓަލުގައި ފަރުވާ ދެމުން ދިޔަ މީހާ ނިޔާވެއްޖެއެވެ.

Ads by Hajj Corporation

އެނގިފައިވާ ގޮތުގައި އިތުރު ބަޔަކާއެކު މަހަށް ގޮސް އުޅެނިކޮށް މިއަދު ހަވީރު ހާލު ދެރަވެގެން ފަރުވާދޭން ކުޅުދުއްޓަށް ގެންގޮސްފައި ވަނީ އެރަށަށް ނިސްބަތްވާ ދިވެހި ފިރިހެނެކެވެ. އޭނާ ނިޔާވީ އައިސީޔޫގައި ފަރުވާ ދެމުން ދަނިކޮށް ކަމަށް ވެސް މައުލޫމާތު ލިބެއެވެ.

އެމީހާ ނިޔާވީ މިއަދު ހަވީރު 4:40 ހާއިރު ކަމަށް އެރަށުން ވާހަކަ ދެއްކި މީހަކު ބުނެފައިވެއެވެ.

މާތް ﷲ އެމައްޔިތާގެ ފުރާނައަށް ހެޔޮ ރަޙްމަތް ލައްވާ، ފާފަ ފުއްސަވާ ސުވަރުގޭގެ މަތިވެރި ނިޢުމަތް މިންވަރު ކޮށްދެއްވާށިއެވެ. އާމީން. އަދި މިފަދަ ހިތްދަތި ވަގުތެއްގައި ޢާއިލާއަށް ކެތްތެރިކަން ދެއްވާށި.އެވެ އާމީން

إِنَّا لِلّهِ وَإِنَّـا إِلَيْهِ رَاجِعُون