ތިބާ ކޮޅަށް ހުންނަ ގޮތަކުން ވެސް ތިބާގެ މިޒާޖު އަންގައިދޭ!
މީހަކު ކޮޅަށް ހުންނަ ގޮތަކުން އެމީހެއްގެ މިޒާޖު ދެނެގަނެވިދާނެ ކަމަށް ގަބޫލު ކުރަން ތޯއެވެ. މީހަކު ހުންނަ ގޮތަކަށް ބަލައިލުމަށްފަހު އެމީހާ އަކީ މިވެނި މިޒާޖެއްގެ މީހެކޭ ބުނެވިދާނެތޯއެވެ. ހަމަ ގައިމުވެސް މިއީ ކުރިން ނޭނގޭ މައުލޫމާތެކެވެ.
ސައިކޮލޮޖިސްޓް ޑޮކްޓަރެއް ކަމަށްވާ ޑޮކްޓަރު ސީމާ ހިންގޮރަނީ ވިދާޅުވީ މީހުން ހުންނަ ގޮތުން ވެސް މީހާގެ މިޒާޖު އެނގޭނެ ކަމަށެވެ. އެގޮތުން ބުރަކަށި ސީދާ ނުކޮށް ކޮޅަށް ހުންނަ މީހުންނަކީ ހިތްވަރު ދެރަ ބައެއް ކަމަށް އޭނާ ސިފަ ކުރެއެވެ. އެގޮތުން އަބަދުވެސް ހަށިގަނޑު ސީދަލަށް ބެހެއްޓުމަށާއި ކަސްރަތު ކޮށްގެން ނަމަވެސް މީހާ ސީދަލަށް ހުރުމަށް މަސައްކަތް ކުރުމަށް ޑރ.ސީމާ ވަނީ އިލްތިމާސް ކޮށްފައެވެ.
މީގެ އިތުރުން، ވާގި ދޫކޮށްލައިގެން ކޮޅަށް ތިބޭ މީހުންނަކީ ވަރަށް ގިނައިން ވިސްނާ ބައެއް ކަމަށް ޑރ.ސީމާ ވިދާޅުވިއެވެ. އަދި އެމީހުންނަކީ އެހެން މީހުންނާ އެހާ ނުގުޅޭ ބައެއްގެ ގޮތުގައި އޭނާ ސިފަކުރިއެވެ. މިކަމުން ސަލާމަތްވުމަށް ޓަކައި ބިމުގައި ފައިތިލަ މަޑުމަޑުން ޖެއްސުމަށްފަހު ނޭވާލުމަށް ހާއްސަ ސަމާލުކަމެއް ދިނުމަށް ޑރ.ސީމާ ވަނީ އިލްތިމާސް ކޮށްފައެވެ.
