ކުރީ ސަރުކާރުން ފްލެޓު ދިނީ އެއްވެސް އުސޫލެއް ނެތި: ރައީސް ނަޝީދު
ކުރީގެ ރައީސް އަބްދުﷲ ޔާމީންގެ ވެރިކަމުގައި ހިޔާ މަޝްރޫއުގެ ފްލެޓުތައް ބަހައިފައި ހުރީ އެއްވެސް އުސޫލެއްގެ ދަށުން ނޫން ކަމަށް ރައްޔިތުންގެ މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ކުރީގެ ސަރުކާރުން ކުރިއަށް ގެންދިޔަ ބޯހިޔާވަހިކަމުގެ މަޝްރޫއުގެ ދަށުން ފްލެޓް ދިން މީހުންނަށް ފްލެޓް ދިން ގޮތް ބެލުމަށް މި ސަރުކާރުން އުފައްދާފައިވާ ފްލެޓް ކޮމިޓީން ކޮށްފައިވާ މަސައްކަތްތައް ހިނގާ ނުހިނގާ ގޮތް ބެލުމަށް ރައްޔިތުންގެ މަޖިލީހުގެ ގައުމީ ތަރައްގީއާ ބެހޭ ކޮމިޓީން ބަލައި ދިރާސާކޮށް އެކުލަވާލި ރިޕޯޓްގެ މައުލޫމާތު ހިއްސާ ކުރުމަށް ނޫސްވެރިންނަށް މިއަދު ވަނީ މައުލޫމާތު ދެއްވަވައިފައެވެ.
އެގޮތުން ކޮމިޓީގެ ރިޕޯޓުން ތިން ކަމެއް ފާހަގަވެފައިވާ ކަން ފާހަގަކޮށް ރައީސް ނަޝީދު މިއަދު ވިދާޅުވީ އެއީ ހިޔާ މަޝްރޫއުގެ ދަށުން ދީފައިވާ ފްލެޓްތަކުގެ މައްސަލަ ދިރާސާކުރުމާއި، މިސަރުކާރުގެ ބޯހިޔާވަހިކަމުގެ ސިޔާސަތު ރާވާފައިވާ އޮތް ގޮތް ބެލުމާއި އަދި މިކަމާ ގުޅޭ މަސައްކަތްތައް ތަންފީޒު ކޮށްފައިވާ ގެއްލުން ބެލުން ކަމަށެވެ.
ރައީސް ނަޝީދު އިތުރަށް ވިދާޅުވީ ކުރީގެ ސަރުކާރުގައި ފްލެޓް ލިބުނު މީހުންގެ ލިސްޓް ނެރުނުއިރު ފްލެޓް ދިނުމުގައި އެއްވެސް އުސޫލެއް އެކުލަވާލާފައި ނުވާ ކަމަށާއި އެހެން ނަމަވެސް މިސަރުކާރުގައި ފްލެޓް ލިބޭ މީހުން ކަނޑައެޅީ އުސޫލެއް އެކުލަވާލައިގެން ފްލެޓް ކޮމިޓީން އެކި މީހުންގެ ދިރިއުޅުމުގެ ހާލަތު ބެލުމަށް ފަހު ކަމަށެވެ.
ރައީސް ނަޝީދު ވަނީ މި މަސައްކަތްތައް ކުރުމުގައި ސަރުކާރުން އެކުލަވާލި ފްލެޓް ކޮމިޓީން ރަނގަޅު މަސައްކަތްތަކެއް ކޮށްފައިވާކަން ފާހަގަ ކުރައްވާފައެވެ.
"ކޮމިޓީއަށް ހަވާލުވެފައި އޮތް އިތުރު މަސައްކަތަކީ މި މަސައްކަތް ކުރުމުގައި ނުވަތަ ފްލެޓް ލިބޭ ފަރާތްތައް ކަނޑައެޅުމުގެ ނުހައްގުން ނުވަތަ ނާޖާއިޒު ކޮށް ހައްގު ނުވާ އެއްވެސް ފަރާތަކަށް އެއްވެސް ބޭފުޅަކު ފްލެޓް ދީފައިވާ ކަމާއި ނުވަތަ އަދި ހަަމަ އެ އާ އެކީގައި އެފަދަ ކަަމެއް އަމަލީ ގޮތުން ކުރުމުގައި ބައިވެރިވި ފަރާތްތަކަކީ ކޮބައިތޯ ވެސް ދެނެގަތުން. މަޖިލީހުގެ ހޯދުމަށް ފެންނަނީ ފްލެޓް ކޮމިޓީގެ މަސައްކަތް ފުރިހަމަ ކަމަށް.،" ރައީސް ނަޝީދު ވިދާޅުވިއެވެ.
މީގެ އިތުރުން ރައީސް ނަޝީދު ވަނީ މީގެ ކުރިން ވެސް ވިދާޅުވާ ފަދައިން ދިވެހި ރައްޔިތުންނަށް ބޭނުންވާ ބޯހިޔާވަހިކަން ހޯދައިދީ އެ މައްސަލައަށް ހައްލު ހޯދާނެ ކަމަށާއި ރައްޔިތުން އެކަމުގައި ކަންބޮޑުނުވުމަށް ވެސް އެދިވަޑައިގެންފައެވެ.
ކީކޭތޯ؟ ތިޔަބޭފުޅާއަކީ ސުމާރެއް ނެތި ދޮގު ހެދުމުންނާއި މުނާފިޤު ވާހަކަ ދެއްކުމުގައި މުނާފިޤުންގެ ރަސްގެފާނު (އުބައްޔު ބުނު ސަލޫލު) އަށްވުރެ ކުރީގައި އުޅޭ މީހަކު ދައްކާނެ ވަކި ވާހަކައެއް ނޯންނާނެ. ވޯޓް ހޯދަން އުޅޭ މީހެއް. ކޮންކަމެއްތަ 2 ޅިޔަނުންނަށް ކުރެވެނީ. ޙިންދު ކަރާމީހުންގެ ގޮނޑިކޮއްކޮ ސަރުކާރެއް.
މިސަރުކާރުން އިންޑިއާ އަށް އުތުރު ތިލަފަޅު ވިއްކާލީ ކޮން އުސޫލަކުންބާ….؟ ހަމަ ނަޝީދު ލާރިގަނޑެއް ބޭނުންވީމާ ވިއްކާލީނު….؟ ވީމާ އުސޫލެއް ހަމައެއް ލަމައެއް ދީނެއް މިއްލަތެއް މަޒްހަބެއް ނެތް މީހަކު ރަނގަޅުވާނީ ތިޔަކަހަލަ އަނގަ ނާރުވާހުރުން…..!!!