މަހުޖަނުންގެ ޖޫރިމަނާ މަޢާފްވުމުން ވެސް ކާނު ސާފުކުރަން ޖެހޭނެ: ރައީސް ނަޝީދު
ލައިސަންސް ނެތި ސައިކަލު ދުއްވުމުން ކޮށްފައިވާ ޖޫރިމަނާތައް މާފުކުރުމުން، އެކަން ސިފަ ވަނީ މަހުޖަނުންގެ ޖޫރިމަނާ މަޢާފްވި ނަމަވެސް ކާނު ސާފު ކުރަން ޖެހޭ އުސޫލުގެ ގޮތުގައި ކަމަށް މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
ލައިސަންސް ނެތި ޖޫރިމަނާ ކޮށްފައިވާ ފަރާތްތަކުގެ ޖޫރިމަނާއަށް ލުޔެއް ހޯދައިދިނުމަށް ގޮވާލައި އެމްޑީޕީގެ ޗެއަރޕާސަން އަދި ހެންވޭރު ހުޅަނގު ދާއިރާގެ މެމްބަރު ހަސަން ލަތީފް ރައްޔިތުންގެ މަޖިލީހަށް ހުށަހެޅުއްވި މައްސަލައާ ގުޅިގެން މެމްބަރުން ވަނީ ލައިސަންސު ނެތި ކޮށްފައިވާ ޖޫރިމަނާ މަޢާފްކޮށް، ޖޫރިމަނާގެ އަދަދު 10،000 ރުފިޔާއިން މަތިވާ ނަމަ މުޖުތަމައުގެ ކޮންމެވެސް މަސައްކަތެއް އެމީހަކު ލައްވައި ކޮށްގެން ދައުލަތަށް ފައިސާ ލިބޭނެ ގޮތެއް ހޯދުމަށް ވާހަކަ ދައްކަވާފައެވެ.
މިކަމާ ގުޅިގެން ރައީސް ނަޝީދު ވިދާޅުވީ މެންބަރުންގެ ވާހަކަތަކުން ސިފަވަނީ ދައުލަތަށް ނުލިބޭ ފައިސާ ހޯދުމުގައި މަހުޖަނުން ވެސް މަގުމަތީގައި ކާނު ސާފުކުރަން ޖެހުން ކަމަށެވެ.
"އަޅުގަނޑަށް މިފާހަގަ ކުރެވެނީ މަހުޖަނުން ޖޫރިމަނާ މަޢާފްވީމާ އެބޭފުޅުންވެސް އަޅިކުލައިގެ ހެނދުން އަޅުއްވައިގެން ނަންބަރު ޖައްސަވައިގެން ކާނު ސާފުކުރަން ތިއްބަވާ އުސޫލޭ ތިޔަ ތަޢާރަފް ކޮށްދެއްވުމަށް މަސައްކަތް ކޮށްދެއްވަނީ." ރައީސް ނަޝީދު ވިދާޅުވިއެވެ.
ހަސަން ލަތީފު ހުށަހެޅި މައްސަލައިގައި ވަނީ ޖޫރިމަނާގެ ޢަދަދު ދިހަ ހާސް ރުފިޔާއަށްވުރެ އިތުރުވެފައިވާ ފަރާތްތަކުގެ ޖޫރިމަނާގެ ބަދަލުގައި، އެ މީހަކު މުޖުތަމަޢަށް ފައިދާ ކުރަނިވި ކަމެއް ނުވަތަ މަސައްކަތެއް ނުވަތަ ޚިދުމަތެއް ކުރުމަށް ނެރުމުގެ އަމުރަކަށް އެދި ޝަރީޢަތަށް ހުށަހެޅުމުގެ ބާރު މޯލްޑިވްސް އިންލަންޑް ރެވެނިއު އޮތޯރިޓީއަށް ލިބިގެންވާކަމަށް ބުނެފައެވެ.
ޤަވާއިދުގައި ލަތީފް ހުށަހަޅުއްވާފައިވާ 6 ކަންތައް:
1- ކޮމިއުނިޓީ ސަރވިސްގައި ބައިވެރިވެވޭނެ ހާލަތްތަކާއި އެކަމުގައި ޢަމަލުކުރާނެ އުޞޫލުތަކާއި،
2- ކޮމިއުނިޓީ ސަރވިސްގެ ގޮތުގައި ކުރެވިދާނެ މަސައްކަތްތަކާއި، އެމަސައްކަތް ކުރެވިދާނެ ތަންތަން ކަނޑައެޅުމާއި،
3- އެމަސައްކަތުން ލިބޭ އުޖޫރައިން ޖޫރިމަނާ އަދާކުރުމުގެ ގޮތުން ފައިސާ އުނިކުރެވޭނޭ އުޞޫލު ބަޔާންކުރުމާއި،
4- ކޮމިއުނިޓީ ސަރވިސްގެ މަސައްކަތަށް ނުކުތުން ޝަރުޠުކުރެވުމާ އެކު އެ ފަރާތްތަކަށް ލައިސަންސް ނެގުމަށް ހުރަހެއް ނޯންނާނެކަން ބަޔާންކުރުމާއި،
5- ދައްކަންޖެހި ނުދައްކާވާ ޖޫރިމަނާ ބަހާލައިގެން ދެއްކޭނެ އުޞޫލު ބަޔާން ކުރުމާއި،
6- ޖޫރިމަނާ އެކުގައި މަޢާފްކުރެވޭނޭ ހާލަތްތައް ބަޔާން ކުރުން
ނުބެހޭ އެއްވެސް ކަމެއް ނޯންނާނެ. މި އަންނިއަށް ހީވަނީ މިޤއުމުގެ ރައީސަކީ މީނަކަމަށްވިއްޔާ. އަދިވވެސް ހިމޭންވެގެން މައިތިރިވެ ގޭގައި މަޑުކުރާކަށް ނުވޭތަ؟