ސަރުކާރުން ނާސްތާ ޕްރޮގުރާމަށް 139 މިލިއަން ރުފިޔާ ހޭދަކޮށްފި

ސަރުކާރުން ފެށި ނާސްތާ ޕްރޮގުރާމު މެދުކަނޑައިލިއިރު 139 މިލިއަން ރުފިޔާ ޚަރަދު ކޮށްފައި ވާނެ ކަމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙު ވިދާޅުވެއްޖެއެވެ.

Ads by STELCO

އެ މަނިކުފާނު މިހެން ވިދާޅުވީ އެމްޑީޕީން ކައުންސިލް އިންތިޚާބަށް ބާއްވާ ރަށްވެހި ފަތިސް ކެމްޕޭނުގައި ރޭ ވާހަކަފުޅު ދައްކަވަމުންނެވެ.

ނާސްތާ ޕްރޮގުރާމަށް މި އަހަރުގެ ނިޔަލަށް ޚަރަދުވާނެ ކަމަށް ލަފާ ކޮށްފައި ވަނީ 148.1 މިލިއަން ރުފިޔާއެވެ.

ރައީސް ވިދާޅުވީ މިއީ ސަރުކާރުން މި ޕްރޮގުރާމަށް މިހައިތަނަށް ހޭދަ ކޮށްފައިވާ މިންވަރު ހާމަ ކުރެއްވި ފުރަތަމަ ފަހަރު ކަމަށެވެ. ނާސްތާ ޕްރޮގުރާމަށް ބަދަލު ގެނެސް އިތުރަށް ހަރުދަނާކޮށް 2021 ވަނަ އަހަރުގައި ފަށާނެ ކަމަށް ސަރުކާރުން ބުނެފައިވެއެވެ.