ޑރ. މުޢިއްޒަށް މަގާމް ދިނުން ، ނަޝީދު ސިފަ ކުރެއްވީ ޑްރެކިއުލާއަށް ބްލަޑްބެންކު ދިނުން ކަހަލަ ކަމަކަށް
ކުރިއަށް އޮތް ލޯކަލް ކައުންސިލް އިންތިހާބުގައި އިދިކޮޅު ޕީޕީއެމް/ޕީއެންސީގެ ފަރާތުން މާލެސިޓީގެ މޭޔަރުކަމަށް ވާދަކުރައްވާ ކެނޑިޑޭޓް ޑރ. މުޙައްމަދު މުޢިއްޒަށް އެ މަގާމު ދިނުމަކީ ޑްރެކިއުލާއަކަށް ބްލަޑް ބޭންކު ދިނުން ކަހަލަކަމެއް ކަމަށް އެމްޑީޕީގެ ރައީސް މުޙައްމަދު ނަޝީދު ސިފަ ކުރައްވައިފިއެވެ.
ވެރިކަންކުރާ އެމްޑީޕީގެ ފަރާތުން ވާދަ ކުރައްވާ ކެނޑިޑޭޓް އަނަސް އަބްދުއްސައްތާރުގެ ކެމްޕޭން ހަރަކާތްތަކުގެ ތެރެއިން މައްޗަންގޮޅީ މެދު ދާއިރާގެ ރައްޔިތުންނާއެކު ބޭއްވި ކަންމަތީ ބައްދަލުވުމުގައި ވާހަކަދައްކަވަމުން ރައީސް ނަޝީދު ވިދާޅުވީ މާލޭގެ ހިންގުން ސިޓީ ކައުންސިލްއާ ހަވާލުކޮށް އެކަން އެމްޑީޕީއަށް ދޭން އެންމެ ބޮޑަށް ބޭނުން ވަނީ މާލޭ ރައްޔިތުން ކަމަށެވެ.
އިދިކޮޅު ވެރިކަމުގައި ސިޓީ ކައުންސިލްގެ ބާރު ކަނޑުވައިލާ ހަދާލިގޮތް އެންމެނަށްވެސް ފެންނާނެކަމަށް ވިދާޅުވެ ރައީސް ނަޝީދު ވިދާޅުވީ އިދިކޮޅުން ކުރިކަމަކީ އެތަނުގައި ހުރި ގޮނޑި މޭޒު ތަންތަނަށް އުކާ ކައުންސިލަރުންނަށް އެތަނަށް ނުވަދެވޭ ގޮތް ހަދައި އެތަން ކަފުން ކުރުން ކަމަށެވެ.
"މިފަދަ ބާރުތަކާ އެކުގައި ލާމަރުކަޒީ ނިޒާމަށް އިންކާރުކުރަމުން އަންނަ ސިޔާސީ ފަލްސަފާއެއް އޮތް ބަޔަކު ކައުންސިލް އާ ހަވާލުވުމަކީ، އަޅުގަނޑަށް ދެންނެވޭނީ ޑްރެކިއުލާއެއް ބްލަޑް ބެންކު ހަވާލުކުރުން ފަދަ ކަމެކޭ." ރައީސް ނަޝީދު ވިދާޅުވިއެވެ.
މީގެއިތުރުން ރައީސް ނަޝީދުގެ ވާހަކަފުޅުގައި، ކުރިއަށް އޮތް އިންތިހާބުގެ ކެމްޕޭން ތެރޭގައި، އެންޓި ކެމްޕޭނު ކުރާ ކަމަށާއި އެގޮތުން ސަރުކާރަށް ކަމެއް ނުވާކަމަށް ވެސް ބުނެ ވާހަކަ ދައްކަމުންދާ ކަމަށެވެ.
އެކަމަކު މި ސަރުކާރު ހޮވުނީ މާލެ ރައްޔިތުންނަށް ދެން އެއްވެސް އިތުރު ގޮތެއް ނެތި ކުރީގެ ރައީސް ޔާމީން ބޭރުކުރަން ބޭނުންވެފައި ތިބި ވަރުން ކަމަށާއި، އެކަމަށް ޓަކައި ވަރަށް ބޮޑަށް ޝުކުރުވެރިވާ ކަމަށް ވެސް ރައީސް ނަޝީދު ވިދާޅުވިއެވެ.
ޑްރެކިއުލާއަކީ ދުނިޔޭގައި އުޅުނު މީހެއް ނުވަތަ ޝައިޠާނެއް ނޫން. އެއީ ޚިޔާލީ އެއްޗެއް. ނަޝިދުމެން ފަދަ ނަޞާރާ ދީން ކުރިއެރުވުމަށް މަސައްކަތް ކުރާ މީހުން ސަލީބް ޕްރޮމޯޓް ކުރަން އުފަން ކުރި ” ކައުންޓް ޑްރކިއުލާ، ދަ ބްރައިޑްސް އޮފް ޑްރެކިއުލާ، ޒޮލްޓާން ހައުންޑް އޮފް ޑްރެކިއުލާ” ފަދަ ކޮންމެ ފިލްމަކީ ހަމަ ސަލީބު ކުރިއަރުވަން ކުރާ މަސައްކަތް. ވީމާ، ޑްރެކިއުލާގެ ވާހަކަ ދައްކަނީ ސަލީބް ޕްރޮމޯޓް ކުރަން. ތިޔަ އަށް ވުރެ ސިންޑްރެއްލާ، ބިއުޓީ އެންށޑް ދަ ބީސްޓް ފަދަ ޖޯކް ތައް ބާ ބޮޑަށް މީހުން ގަޔާ ވާނެކަން ނޭގެ. ނަޝީދަށް އެގިވަޑައިގަންނަވަނީ ސަލީބީ ދީނުގެ ޚިޔާލީ ފޮލާ ޕްރޮމޯޓް ކުރަން. އެބޭފުޅާ އަކީ ތައުލީމީ، ހިންގުންތެރި، ދީންވެރި ބޭފުޅެއް. ޑްރެކިއުލާ ވާހަކައަކީ ޚުރާފާތުގެ ބޮޑު މަންޒަރެއް. ވީމާ، ދިވެހިން ތިަޔަކަން ބަލައެއް ނުގަންނާނެ. ކުރީގެ ރައީސެއްވިމާ މޫނު މަތީ ޒުވާބެއް ނުކުރާނެ. އެކަމަކު ތިޔަ ޑްރެކިއުލާ ވާހަކަ އެއް ހަމަ ނުޗަލާނެ.