ކޮވިޑް ދިފާޢު: ރާއްޖެއިން މިހާތަނަށް 265،235 މީހުން ވެކްސިން ޖަހައިފި
ކޮވިޑް-19 އިން ރައްކާތެރިވުމަށް މިއަދު މާލެ ސަރަޙައްދުން 502 މީހުންނާއި އަތޮޅުތެރެއިން 4448 މީހުން ވެކްސިންގެ ފުރަތަމަ ޑޯޒް ޖަހައިފިއެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން އާންމު ކޮށްފައިވާ ޑޭޓާއަަށް ބަލާއިރު މިއަދު ރާއްޖެއިން ވެކްސިންގެ ފުރަތަމަ ޑޯޒް ޖަހައިފައި ވަނީ ޖުމްލަ 4،950 މީހުންނެވެ. އަދި މިއަދު ދެވަނަ ޑޯޒް ޖަހައިފައިވަނީ ޖުމްލަ 4،382 މީހުންނެވެ.
ކޮވިޑުން ރައްކާތެރިވުމަށް ވެކްސިންގެ ދެވަނަ ޑޯޒް މާލެ ސަރަޙައްދުން ޖަހައިފައިވަނީ ޖުމްލަ 3،969 މީހުންނެވެ. އަދި އަތޮޅުތެރެއިން 413 މީހަކު ދެވަނަ ޑޯޒް ޖަހައިފައިވެއެވެ.
ރާއްޖެއިން މިއަދު 4،382 މީހުން ވެކްސިންގެ ދެވަނަ ޑޯޒް ޖަހާފައިވާއިރު ޖުމްލަ 14،951 މީހުން ރާއްޖެއިން މިހާރު ވަނީ ވެކްސިންގެ ދެ ޑޯޒް ފުރިހަމަ ކޮށްފައެވެ.
އެޗްޕީއޭ) އިން އާއްމުކޮށްފައިވާ ސާވޭލަންސް ޑޭޓާއަށް ބަލާއިރު މިއަދު ރާއްޖެއިން ކޮވިޑަށް ފައްސި ވެފައި ވަނީ މާލެއިން 56 މީހުންނާއި، އަތޮޅުތަކުން 46 މީހުންނާއި، ހިންގަމުން އަންނަ ރިސޯޓުތަކުން 11 މީހެކެވެ.
މިހާރު ރާއްޖެއިން މިބައްޔަށް ޖުމްލަ 25،304 މީހުން ފައްސި ވެފައިވެއެވެ.
ރާއްޖެއިން މިހާރު ކޮވިޑް ބަލިން ފަސޭހަ ވެފައި ވަނީ ޖުމްލަ 22،166 މީހުންނެވެ. އަދި މިހާތަނަށް މިބަލީގައި ރާއްޖެއިން 67 މީހުން ނިޔާވެެފައި ވެއެވެ.
ހޮސްޕިޓަލުތަކުގައި މިހާރު ފަރުވާ ހޯދަމުން ދަނީ 85 މީހުންނެވެ.
ނިމިދިޔަ 24 ގަޑިއިރު ތެރޭގައި ރާއްޖެއިން ކޮވިޑަށް ޓެސްޓުކުރަން ނަގައިފައި ވަނީ 2،950 ސާމްޕަލެވެ.
