ލޯބިވެރިޔާގެ ގެ ހަދަން އެގްރިމެންޓު ހެދި މީހާއާއި އެ އާއިލާއާ ދެމެދު ޖެހުނު މައްސަލައެއްގައި ހަމަލާ އައީ އާސިމްއަށް
ރާއްޖޭގެ ފިލްމީތަރި އަޙުމަދު އާސިމަށް މިދިޔަ ހަފްތާގައި ގޭންގަކުން ހަމަލާ ދިނީ އޭނާގެ ލޯބިވެރިޔާގެ ގެ ހަދަން އެގްރިމެންޓު ހެދި މީހަކާއި އެ އާއިލާއާ ދެމެދު ޖެހިފައިވާ މައްސަލައެއްގެ ތެރެއިން ކަމަށް ބެލެވޭ ކަމަށް އާސިމް ބުނެފިއެވެ.
"ދެން" އަށް މައުލޫމާތު ދެމުން އާސިމް ބުނީ އޭނާގެ ލޯބިވެރިޔާ ދިރިއުޅޭ ގޭގެ ތިރީބައި ކުރިން ހިފައިގެން އުޅުނު (ޤުރްއާން ކުލާހެއް ހިންގި) މީހަކާއި އެ ގޭ މީހުންނާ ހަދާފައިވާ ކޮންޓްރެކްޓެއްގައި މައްސަލައެއް ޖެހި، އެ މައްސަލައިގެ ތެރެއިން އާސިމްއަށް ހަމަލާ އައިސްފައިވާ ކަމަށެވެ.
"ގޭ މީހުން ބޭނުން ވަނީ އެ އެގްރިމެންޓު ބާތިލު ކުރަން ކޯޓަށް ދާން. އެ މީހާ ބޭނުމެއް ނުވޭ ކޯޓަށް ދާކަށް." އާސިމް ބުންޏެވެ.
އާސިމް ބުނީ ޤުރްއާން ކްލާސް ހިންގަން އެ ގޭގެ ތިރިން ތަންކޮޅެއް އެ މީހާއަށް ލިބުނު ކަމަށާއި އެއީ މަތީގައި ހުންނަ ތިން ފަންގިފިލާގެ ފިނިޝިންގް ނިންމުމުން ލިބޭ ގޮތަަށް ދިން ޖާގައެއް ކަމަށް ވެސް އާސިމް ބުންޏެވެ.
"އޭނަ ކުރިކަމަކީ އައި ގޮތަށް އައިސް ތިރި ތަޅާލީ، އެތަނުގައި ރުޤްޔާ ކުރާ މޭޒަކާއޮ، އެތަނުގައި ކައިވެނި ކޮށްދޭ މޭޒަކާއި، ދެމަފިރިން ސުލްޙަކުރަން މޭޒެއް ބަހައްޓަން ޖެހެއޭ ކިޔައިފައި ތިރި ތަޅާލީ ގޭ މީހުން ތިރީގައި ދިރިއުޅެއުޅެ ތިއްބާ. އެތަން ބޮޑު ކުރަން ޖެހެޔޭ ކިޔާފައި ބަޔަކު ނިދާފައި ތިއްބާ ފާރު ތަޅާލީ. އެހެންވެ އެ މައްސަލަ ޖެހިގެން ގޭގެ ވެރި ފަރާތުން ބޭނުންވީ އެގްރިމެންޓު ކެންސަލް ކުރަން. އެ މީހާ ބޭނުމެއް ނުވި ކެންސަލް ކުރާކަށް. އޭނަ ފެށީ ގޭންގު ލައްވާ ބިރުދައްކަން" އާސިމް ކިޔައިދިނެވެ.
މީގެ އިތުރުން އާސިމް ބުނީ އަމިއްލަ ޖީބުން އެ ގެ ހެދުމަށް ފަހު އެ މީހާއަށް 25 އަހަރަށް އެތަން ދިނުމަށް ވެސް އޭނާ ްއެދުނު ކަމަށާއި އެކަމާ ގޭގެ ވެރިފަރާތުން އެއްބަސް ނުވި ކަމަށެވެ.
އެ ގޭގައި އާސިމް އޭރު ނޫޅޭ ކަމަށާއި، ނަމަވެސް ފަހުން އެ ފިރިހެން މީހާއަށް އާސިމް ފެނިގެން އޭނާއަށް އިންޒާރުދީ ފަހުން ބަޔަކު ލައްވާ ހަމަލާދިނީ ކަމަށް ވެސް އާސިމް ބުންޏެވެ.
އާސިމްއަށް ހަމަލާދިން މީހުން، އޭނާ ގައިގާ ދެން ނުޖަހާނެ ކަމަށް ބުނި ކަމަށާއި އެހެން ނަމަވެސް އަނިޔާކުރީތީ ދައުވާ ކުރާނެކަމަށް އާސިމް އެމީހުން ގާތު ބުނި ކަމަށް ވެސް އޭނާ ބުންޏެވެ.
ތަޅާލަންވީ ހަމަ ރަނގަޅަށް ތި ހެދީ.
މި ލިޔުމަކުން އެއްވެސް އެއްޗެއް ސާފެއް ނުވި
މީހުން ބޮޑު ޙަރަދު ކޮއްގެން ގެ ހަދާ ނިންމީމަ ގެ ފެނިގެން އެގޭ އަންހެން މީހާ އާއި ހިތާޥެގެން އެއަންމީހާ ބޮލައް އެރިގެން ހުރިހާ ފަނެއް ހަދަން ޔާ ވާނެ ގޮތް ތީ އަދި އެބަ ދޮވރސް ހަދައެއް ނުން! ފައިސާ ޙަރަދު ނުކޮށް ފިލްމީ ސްޓޫ އެށް ހަދަންށޯ!