އައްޑޫން އިތުރު ގޮނޑިއެއް އެމްޑީޕީއަށް ގެއްލިއްޖެ

މިއަދު ކުރިއަށް ދިޔަ ލޯކަލް ކައުންސިލް އިންތިހާބުގައި އައްޑޫ ސިޓީގެ އިތުރު ގޮނޑިއެއް އެމްޑީޕީއަށް ނާކާމިޔާބު ވެއްޖެއެވެ.

Ads by Sosun Fihaara

އައްޑޫން އެމްޑީޕީއަށް ގެއްލުނީ އައްޑޫ ސިޓީ ހިތަދޫ މާމެންދޫ ދާއިރާގެ ގޮނޑިއެވެ. އެ ދާއިރާއަށް އެމްޑީޕީއިން ވާދަކުރެއްވި ކެނޑިޑޭޓަކީ ޖަމްޝީދާ މުހައްމަދެވެ. މި ދާއިރާގެ ގޮނޑި ކާމިޔާބު ކުރެއްވީ އަަމިއްލަ ގޮތުން ވާދަ ކުރެއްވި ކެނޑިޑޭޓް ހިތަދޫ ސުކޫލްގެ ޑެޕިއުޓީ ޕްރިންސިޕަލް އައިމިނަތު އަދާލާ ރަޝީދުއެވެ.

2011 ވަނަ އަހަރު ފެށި ލާމަރުކަޒީ ނިޒާމުގެ އައްޑޫގެ ހަޔާތުގައި މިއަހަރަކީ އެ ސިޓީން އެމްޑީޕީއަށް ނާކާމިޔާބު އަހަރެކެވެ. އެގޮތުން 10 އަހަރަށް ފަހު އެ ސިޓީން ދެ ގޮނޑިއެއް އެމްޑީޕީއަށް ގެއްލުނުއިރު އިތުރު ތިން ގޮނޑި އެ ޕާޓީއަށް ގެއްލުމުގެ ފުރުސަތު ވެސް ވަރަށް ބޮޑެވެ.