ވަކި ސިޔާސީ ޕާޓީ އަކަށް މާލޭގެ އަގުލަބިއްޔަތެއް ނެތް : ނަޝީދު
ވަކި ސިޔާސީ ޕާޓީ އަކަށް މާލޭގެ އަގުލަބިއްޔަތެއް ނެތް ކަމަށް މަޖިލީހުގެ ރައީސް އަދި ކުރީގެ ރައީސް މުޙައްމަދު ނަޝީދު ވިދާޅުވެއްޖެއެވެ.
އެމްޑީޕީން މިހާރު ކުރިއަށް ގެންދާ ނޫސްވެރިންގެ ބައްދަލުވުމުގައި ވާހަކަފުޅު ދައްކަވަމުން ރައީސް ނަޝީދު ވިދާޅުވީ މާލެސިޓީގެ އަގުލަބިއްޔަތެއް ވަކި ސިޔާސީ ޕާޓީއަކަށް ނެތް ކަމަށެވެ.
ރައީސް ނަޝީދު ވިދާޅުވީ މާލެސިޓީގެ މޭޔަރުކަން އެ ޕާޓީގެ ކެނޑިޑޭޓް އަނަސް އަބްދުއްސައްތާރުއަށް ކާމިޔާބު ނުވި ނަމަވެސް މިއީ އަނަސްގެ ސިޔާސީ ހަޔާތް ނިމުން ނޫން ކަމަށެވެ.
"މިއީ އަނަސްގެ ސިޔާސީ ޙަޔާތުގެ ނިމުމެއް ނޫން، އަނަސް އަކީ ހިތްވަރުގަދަ ޒުވާނެއް" ރައީސް ނަޝީދު ވިދާޅުވިއެވެ.
އިއްޔެ ބޭއްވި ލޯކަލް ކައުންސިލު އިންތިހާބާއި އަންހެނުންގެ ތަރައްޤީއަށް މަސައްކަތް މަސައްކަތް ކުރާ ކޮމިޓީތަކުގެ އިންތިހާބުން، މިހާތަނަށް ނަތީޖާ ދައްކާ ގޮތުން ބޮޑަށް ކާމިޔާބު ލިބިފައިވަނީ އެމްޑީޕީއަށެވެ. ނަމަވެސް އިދިކޮޅު ޕީޕީއެމްއިން މާލެ ސިޓީގެ އިތުރުން މުހިންމު ގޮނޑިތަކެއް ކާމިޔާބު ކޮށްފައިވާކަން ނަތީޖާއިން ދައްކައެވެ.
އެގޮތުން ފާހަގަ ކޮށްލެވޭ އެންމެބޮޑު ކާމިޔާބީއަކީ މާލެސިޓީގެ މޭޔަރުކަން އިދިކޮޅު ޕީޕީއެމްގެ ކެނޑިޑޭޓް ޑރ. މުޙައްމަދު މުޢިއްޒު ކާމިޔާބު ކުރެއްވުމެވެ.
އަދިވެސް ގަދަ ބަސް ބުނަނީތޯ؟