"ސަލްމާން މިސްކިތުގެ ބޭނުން ވީ އެންމެ އަވަހަކަށް ހިފޭނެ ގޮތް ހައްދަވައިދެއްވުމަކީ ރައްޔިތުންގެ އިލްތިމާސް"
ރައީސް ޔާމީންގެ ސަރުކާރުގައި އިމާރާތް ކޮށްފައިވާ ކިންގް ސަލްމާން މިސްކިތް ،ބަރަކާތްތެރި ރަމަޟާން މަސް މާދަމާ ފެށޭއިރު ވެސް ނުހުޅުވޭތީ މާލޭ ސިޓީ ކައުންސިލްގެ އިންތިޚާބީ މޭޔަރު ޑރ.މުހައްމަދު މުޢިއްޒު ކަންބޮޑުވުން ފާޅު ކުރައްވައިފިއެވެ.
މީގެ އިރުކޮޅެއް ކުރިން ޑރ.މުޢިއްޒު ކުރެއްވި ޓްވީޓެއްގައި ވިދާޅުވީ ބަރަކާތްތެރި ރަމަޟާން މަސް ފެށޭއިރު ވެސް ކިންގް ސަލްމާން މިސްކިތް ނުހުޅުވޭތީ އެކަމާ ހިތާމަ ކުރައްވާ ކަމަށެވެ. އަދި މާލޭގެ ރައްޔިތުން އަދި މާލެއަށް ޒިޔާރާތް ކުރާ ރައްޔިތުންނަށް އެ މިސްކިތުގެ ބޭނުން ހިފޭނެ ގޮތް ސަރުކާރުން ވީހާ ވެސް އަވަހަކަށް ހައްދަވައިދެއްވުމަކީ އެންމެންގެ ވެސް އިލްތިމާސް ކަމުގައި މުޢިއްޒު ފާހަގަ ކުރެެއްވިއެވެ.
ސަލްމާން މިސްކިތް ރޯދަ މަހަށް ހުޅުވުމަށް މަސައްކަތް ކުރަމުން އަންނަ ކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު މިދިޔަ މަހުގެ 10 ވަނަ ދުވަހު ބޭއްވި ނޫސްވެރިންގެ ބައްދަލުވުމެއްގައި ވިދާޅުވެފައެވެ.
ރައީސް ޞާލިހު އެދުވަހު ވިދާޅުވީ ސަލްމާން މިސްކިތް އެންމެ ފުރަތަމަ ހުޅުވުމަށް ނިންމާފައި އޮތީ 2020 ވަނަ އަހަރުގެ މާރޗް މަހުގެ ތެރޭގައި ކަމަށެވެ. އެގޮތުން އެ މިސްކިތް ހުޅުވުމަށް ނިންމީ ސައުދީ އަރަބިއްޔާގެ އިސްވެރިން ތަކެއް ވަޑައިގެން ކަމަށާއި ނަމަވެސް ކޮވިޑް-19އާ ގުޅިގެން އެކަން ފަސްވެގެން ދިޔައީ ކަމުގައި އެ މަނިކުފާނު ވިދާޅުވިއެވެ.
އެެހެން ނަމަވެސް އޮންލައިން ނޫސް "އަވަސް"އަށް ދެއްވި އިންޓަވިއުއެއްގައި އިސްލާމިކް މިނިސްޓަރު ޑރ.އަހުމަދު ޒާހިރު ވިދާޅުވީ ރަމަޟާން މަހަށް ސަލްމާން މިސްކިތް ނުހުޅުވޭނެ ކަމަށެވެ.
ކޮބާ ސަލްމާން މިސްކިތުން ކާލި ދެ ފްލޯރ. ކޮންތަކުން އެބައިފުރިހަމަ ކުރާނީ.