ރައީސް ޔާމީން ގެއަށް ބަދަލުކުރުމާ މެދު ގޮތެއް ނިންމަނީ
5 އަހަރުގެ ޖަލު ހުކުމެއް ތަންފީޒު ކުރައްވަމުން އަންނަ ކުރީގެ ރައީސް އަބްދުﷲ ޔާމީން އަބްދުލްގައްޔޫމް ގޭ ބަންދަށް ދޫކޮށް ދިނުމާ ގުޅޭ ގޮތުން ވަރަށް އަވަހަށް ގޮތެއް ނިންމާނެ ކަމަށް މޯލްޑިވްސް ކަރެކްޝަންސް ސާވިސް އިން ވިދާޅުވެއްޖެއެވެ.
އޮންލައިން ނޫސް "އަވަސް" އަށް ދެއްވި އިންޓަވިއުއެއްގައި ކޮމިޝަނާ އޮފް ޕްރިޒަންސް އަހްމަދު މުހައްމަދުފުޅު ރައީސް ޔާމީން ގެއަށް ދޫކޮށް ދިނުމަށް އެދި އެމަނިކުފާނުގެ އަނބިކަނބަލުން މެޑަމް ފާތުންގެ ސިޓީފުޅެއް ލިބިފައިވާ ކަމަށާއި އެ ސިޓީއާ ގުޅިގެން އަޅަންޖެހޭ ފިޔަވަޅުތައް އެޅުމަށް މަޝްވަރާތައް ކުރިއަށްދާ ކަމަށާއި އަދި ހޯއްދަވަން ޖެހޭ ލަފާތައް ވެސް ހޯއްދަވަމުން ގެންދާ ކަމަށެވެ.
އޭނާ އިތުރަށް ވިދާޅުވީ ޖަލުގައި ހުންނަ ގައިދީއަކު ގެއަށް ބަދަލު ކުރާނަމަ އަދި އަދަބަށް ލުއި ދޭނަމަ އަމަލުކުރަން ޖެހޭ ގޮތްތަކެއް ގާނޫނުތަކާއި އުސޫލުތަކުގައި ލިޔެވިފައި ހުރި ކަންކަމަށް ބަލާނެ ކަމަށާއި އުންމީދަކީ މާ ލަސްތަކެއް ނުވެ ގޮތެއް ނިމިގެން ދިއުން ކަމަށެވެ.
މި މަހުގެ 12 ވަނަ ދުވަހު ނޫސްވެރިންނާ ބައްދަލުކުރައްވައި ރައީސް އިބްރާހިމް މުހައްމަދު ޞާލިހު ވެސް ވިދާޅުވީ މެޑަމް ފާތިމަތު އިބްރާހިމްގެ ސިޓީފުޅެއް ލިބިވަޑައިގެންފައިވާ ކަމަށާއި އިރާދަކުރެއްވިއްޔާ ކުރީގެ ރައީސް ޔާމީނަށް ދެރަގޮތެއް ނުވާނެ ކަމަށެވެ.
"މެޑަމް ފާތުންގެ ސިޓީއެއް ލިބިފައި އެބައޮތް އަޅުގަނޑަށް. އަދި ހަތަރު ވަރަކަށް ދުވަސްކުރިން އަޅުގަނޑު ޕީޕީއެމް ލިޑަޝިޕްގެ ބައެއް ބޭފުޅުންނާ ވާހަކަ ދެއްކިން. އެ ބޭފުޅުންގެ ކަންބޮޑުވުމަކީ ރައީސް ޔާމީން ގެއަށް ބަދަލު ކުރުން. ކަމާ ބެހޭ ފަރާތްތަކާ އަޅުގަނޑު ވާހަކަ ދައްކަމުން މިދަނީ. އިރާދަކުރެއްވިއްޔާ ރައީސް ޔާމީނަކަށް ދެރަ ގޮތެއް ނުވާނެ." ރައީސް ޞާލިޙް ވިދާޅުވިއެވެ.
މީގެ އިތުރުން ރައީސް ޞާލިޙް ވިދާޅުވީ ރައީސް ޔާމީންގެ ސިއްޙީ ހާލުކޮޅާ ގުޅޭ ގޮތުން އިދިކޮޅު ލީޑަރޝިޕުން ވެސް ކަންބޮޑުވުން ފާޅުކޮށްފައިވާ ކަމަށާއި ނަމަވެސް އެފަދަ މައްސަލައެއް ރައީސް ޔާމީންގެ ނެތްކަމަށް އެމަނިކުފާނު ވިދާޅުވި ކަމަށެވެ.
ރައީސް ޔާމީންގެ ޑޮކްޓަރުން އިރުޝާދު ދެއްވީ ރާއްޖެއިން ބޭރަށް ބޭސްފަރުވާއަށް ދިޔުމަށް ކަމަށާއި ނަމަވެސް ރައީސް ޔާމީން އެ ގޮތް ބޭނުންފުޅުވެ ވަޑައިނުގަތް ކަމަށް ވެސް ރައީސް ޞާލިޙް ވިދާޅުވިއެވެ.
ޕީޕީއެމްް ޕީއެންސީގެެ ވާހަކަަ ދެކޮލހުޖެހޭކަންް މިއަދުު އެމްޑީޕީީ މީހެއްގެެ ގޮތުގަަ ހުރެވެސްް ގަބޫކުކުރަންް ޖެހިއްޖެެ. އެއިރުގަަ ހީކުރިންް ކައުންސިލްް މެޖޯރިޓީީ ލިބެއްޖެނަމަަ ޔާމީންް ގެޔައްް ބަދަލުު ކުރެވޭނޭޭ ބުނިބުނުންް ކިހިނެއްބާއޭޭ ވާނީީ އެކަމުު މިހާރުު ގަބޫލުކުރަންް ޖެހެނީީ މާލޭޭ މެޖޯރިޓީީ ލިބުމުންވެސްް އެކަންް މިޔޮއްް ވަނީއ….. ޔާމީނާާ އެކުު އަޅުގަނޑުމެންގެތެރެއިންް ބަޔަކުވެސްް ގެޔައްް ވަންނާނެކަންް ހަނދާންް ކުރާތި
އުނހުނ. އެއްގޮތަކަށްވަެސް ތިޔަ ވަގުކަލޭގެ ގެޔަށް ބަދަލު ކޮށްގެން ނުވާނެ.