ދެން ރެސިޕީ | ޕެޕަރ ޗިކަން

ބޭނުންވާ ތަކެތި:

Ads by Sosun Fihaara

1 ކިލޯ ކުކުޅު (ކަށްޓާއެކު) ކޮށާފައި
1 މޭޒުމަތީ ސަމްސާ ގާނާފަހުރި ލޮނުމެދެ
1 މޭޒުމަތީ ސަމްސާ ގާނާފަހުރި އިނގުރު
1 ސައި ސަމްސާ ރީންދޫ
4 މޭޒުމަތީ ސަމްސާ މުގުރި އަސޭމިރުސް
1 ފިޔާ
1 ޓޮމާޓޯ
ލޮނު
5-4 ސަމްސާ ކުކިންއޮއިލް

ތައްޔާރުކޮށްލާނެ ގޮތް:

ކުކުޅުކޮޅު ދޮވެލުމަށްފަހު ލޮނުކޮޅަކާއި ރީނދޫކޮޅު އަޅާފައި މެރިނޭޓް ކޮށްލަން ބަހައްޓާށެވެ.

މިކްސަރުން ފިޔާ އަދި ޓޯމާޓޯ، ޕޭސްޓްގަނޑަކަށް ވަންދެން މުގުރާލާށެވެ.

އެތެރެ ފުން ތަވައަކަށް ތެޔޮފޮދު އަޅައި، ހޫނުވުމުން ކުކުޅުކޮޅު އަޅާލައި، އެއްކޮށްލާފައި 2 މިނަޓެއް ހާއިރު މަތިޖަހާފައި މެދުގިނީގައި ބަހައްޓާށެވެ.

އެއަށްފަހު ލޮނުމެދު ކޮޅާއި އިނގުރު އަޅައިގެން ކުކުޅުން ބޭރުވާ ފެން ހިނދެންދެން މަޑުގިނީގައި ކައްކާލާށެވެ.

ފެން އެއްކޮށް ހިނދުމުން ފިޔާ، ޓޮމާޓޯއިން ހަދާފައިހުރި ޕޭސްޓްގަނޑު އަޅައިގެން 2 މިނަޓެއް ހާއިރު ކެއްކުމަށްފަހު އަސޭމިރުސް އަޅައިގެން އަނެއްކާވެސް 2 މިނަޓެއް ހާއިރު ކައްކާލާށެވެ.

ޕެޕަރ ޗިކަން އެންމެ މީރު ވާނީ ރޮށި ނުވަތަ ފަރާޓާއާއެކު ކާށެވެ. ބޭނުން ނަމަ ބަތާއެކު ވެސް ކެވިދާނެއެވެ.