ވެރިކަމުގެ ނިޒާމު އުވާލައި، އެހެން ނިޒާމަކަށް ފުރޮޅުމުގެ ބާރު އޮތީ ހަމައެކަނި ރައްޔިތުންނަށް: ޝަރީފް
ވެރިކަމުގެ ނިޒާމު އުވާލައި، އެހެން ނިޒާމަކަށް ފުރޮޅުމުގެ ބާރު އޮތީ ހަމައެކަނި ރައްޔިތުންނަށް ކަމަށް ރައްޔިތުންގެ މަޖިލީހުގެ މަރަދޫ ދާއިރާގެ މެމްބަރު އިބްރާހިމް ޝަރީފް (މަވޯޓާ ޝަރީފް) ވިދާޅުވެއްޖެއެވެ.
ޝަރީފު މިހެން ވިދާޅުވެފައި މިވަނީ، ރާއްޖޭގެ ވެރިކަމުގެ ނިޒާމު ބަރުލަމާނީ ނިޒާމަކަށް ބަދަލުކޮށް، ބޮޑު ވަޒީރު ކަމަށް ކުރީގެ ރައީސް މުޙައްމަދު ނަޝީދު އައްޔަން ކުރެއްވުމަށް އެދިލައްވާ ރައީސް ނަޝީދު، ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙަށް މެސެޖެއް ފޮނުއްވުމާ ގުޅިގެންނެވެ.
ރައީސް ނަޝީދުގެ އެ އެދިލެއްވުމަށް ރައްދު ދެއްވަމުން ޝަރީފު ކުރެއްވި ޓްވީޓެއްގައި ވިދާޅުވީ ވެރިކަމުގެ ނިޒާމު ބަދަލު ކުރެވޭނީ ރައްޔިތުންގެ ވޯޓަކަށް ގޮސްގެން ކަމަށެވެ.
"އެއީ ރައީސަކަށް، ރައްޔިތުންގެ މަޖިލިހަކަށް ވެސް ނިންމޭނެ ކަމެއް ނޫން" ޝަރީފް ވިދާޅުވިއެވެ.
މީގެ އިތުުރުން ވެސް ޝަރީފް ކުރެއްވި ޓްވީޓުތަކެއްގައި ވިދާޅުވީ ރައްޔިތުން ވެރިކަމުގެ ނިޒާމު ބަދަލުކުރީ އެކަކަށް ދައުލަތުގެ އެތައް ވަޒީފާއެއް އޮތުން ރަނގަޅު ކަމެއްކަމަށް ނުފެނިގެން ކަމަށެވެ.
"މިސާލަކަށް ރައީސުލްޖުމްހޫރިއްޔާ ކަމާއި، އެމްއެމްއޭގެ ގަވަރުނަރު ކަމާއި، ފިނޭންސް މިނިސްޓަރުކަން، ޑިފެންސް މިނިސްޓަރުކަން އެއް ބޭފުޅަކަށް އޮތުން ރަނގަޅު ނުވެގެން." ޝަރީފް ވިދާޅުވިއެވެ.
ޝަރީފު ވިދާޅުވީ އެ ބޭފުޅަކު އެތައް ވަޒީފާއެއްގައި ހުރުމުން އެފިޝަންސީ ގެއްލި އެތައް ދަތިތަކާ ކުރިމަތިލާން ޖެހުމުގެ ހިތްދަތިކަން ރައްޔިތުންނަށް އިހުސާސު ވެފައިވާ ކަމަށެވެ.
ތިޔާހެން ތިޔަކަން އޮތް ކަމަށް ވަނީ…..އެކަމަކު މަޖިލީހުން ނުނިންމޭނެއެކޭ އޮވޭތަ.؟ ބަލަ24 ގަޑި އިރު ބޮއިގެން ހުއްޓަސް ބޮޑުވަޒީރު ކަން ދޭން އިޔާޒު އެއްބްސްވާނެ.ބޭނުންވަނީ ކުޑަ ސަޔެއް.
ބަލަ މަޖިލީހުން ނިންމީމާ ނިމުނީނު.