99 އިންސައްތަ އެނދުތައް ފުރި ހޮސްޕިޓަލްތަކުން އޮކްސިޖެން ހުސް ވެފައި، މީހުން މަރުވާން ދޫކޮށްލުން މަޖުބޫރު!
އިންޑިއާގެ ވެރިރަށް ނިއު ދިއްލީގައި ހޮސްޕިޓަލުތަކުގެ 99 އިންސައްތަ އެނދުތައް ފުރި، މީހުންނަށް ފަރުވާ ނުދެވެވޭ ގޮތް ވެއްޖެއެވެ.
އިންޑިއާގައި ހަލުވި ކަމާއެކު ކޮވިޑް19 ފެތުރެމުން ދިޔުމާ ގުޅިގެން އެ ގައުމުގެ ހޮސްޕިޓަލުތަކުގެ ބޭރުގައި ވަފަރުވާ ހޯދުމަށް ދިގު ކިއުތަކެއް މިހާރު ވަނީ ހަދައިލައިފައެވެ. 6 ހޮސްޕިޓަލަކުން ވަނީ އެއްކޮށް އޮކްސިޖަން ހުސްވެފައެވެ. އަދި އިތުރު ހޮސްޕިޓަލުތަކުން. އޮކްސިޖަން ހުސްވާނެ ކަމުގެ އިންޒާރު ދަނީ ދެމުންނެވެ. ހޮސްޕިޓަލުތަކުން އޮކްސިޖަން ހުސްވުމުގެ ސަބަބުން ފަރުވާ ނުދެވި އެތައް ބަޔަކު ދަނީ މަރުވަމުންނެވެ.
އިންޑިއާގައި ކޮވިޑް-19ގެ ދެވަނަ ރާޅެއް އަރައިފައިފައިވާއިރު، އިއްޔެ އެކަނި އެޤައުމުން 3 ލައްކަ އަށްވުރެ ގިނަ މީހުން ކޮވިޑް-19 އަށް ވަނީ ފައްސިވެފައެވެ. މިއީ އެއް ދުވަސް ތެރޭގައި ޤައުމަކުން ކޮވިޑް-19 އަށް އެންމެ ގިނަ މީހުން ފައްސިވި އެއް ދުވަހެވެ. މިހައިތަނަށް އިންޑިއާގައި 16 މިލިޔަން މީހުންނަށް ކޮވިޑް-19 ޖެހިފައި ވެއެވެ.
އިންޑިއާގެ އެންޑީޓީވީއިން ރިޕޯޓްކޮށްފައިވާ ގޮތުގައި ދިއްލީއަށް އޮކްސިޖަން ޓޭންކްތައް ގެނައުމަށް އެހެން ސްޓޭޓްތަކުން ދަނީ ހުރަސް އަޅަމުންނެވެ، އަދި އެހެން ސްޓޭޓް ތަކުގެ ސަރުކާރުން ބޭނުން ވަނީ އެ ސްޓޭޓްގައި ހުރި އޮކްސިޖަން ސިލިންޑަރުތައް އެ ސްޓޭޓަކުން ބަލި ޖެހޭ މީހުންނަށް ބޭނުން ކުރަން ކަމަށް ވެސް އެފަރާތުން ރިޕޯޓް ކުރެއެވެ. އަދި ބައެއް ހޮސްޕިޓަލުތަކުން ބޮޑު އަގުގައި އޮކްސިޖަން ސިލިންޑަރުތައް ވިއްކަމުންދާ ކަމަށްވެސް ރިޕޯޓްތައް ބުނެއެވެ.
ވެރިރަށް ދިއްލީއަކީ އިންޑިއާގެ ސިއްޙީ ފަރުވާގެ ނިޒާމު އެންމެ ރަނގަޅު އެއް ސިޓީއެވެ. އެހެންކަމުން އިންޑިއާގެ އިތުރު ސްޓޭޓްތައް ދިއްލީގެ ހާލަތަށް ގޮސްފިނަމަ މަރުވާ މީހުންގެ އަދަދު ބޮޑުތަނުން އިތުރުވާނެ ކަމަށް ރިޕޯޓްތައް ބުނެއެވެ.
Ads by STO
