ދެން ރެސިޕީ: ފަސޭހައިން ތައްޔާރުކޮށްލެވޭ ސްޓޯބެރީ ލެމޮނޭޑް
ރޯދަ ވީއްލާ ވަގުތަކީ ގިނަ މީހުން ފިނިގަދަ އެއްޗެއް ބޯލާހިތްވާ ވަގުތެކެވެ. ސްޓޯބެރީ ލެމޮނޭޑް އަކީ ފަސޭހައިން ތައްޔާރުކޮށްލެވޭ، ފިނި އަދި އެހާމެ މީރު ބުއިމެކެވެ.
ބޭނުންވާ ތަކެތި: ( 2 މީހުންނަށް ބޮވޭ ވަރަށް)
½ ތަށި ލުނބޯ ހުތް
3 މޭޒުމަތީ ސަމްސާ ހަކުރު
2 ތަށި ފެން (ފިނި ކޮށްފައި)
4 ސްޓރޯބެރީ ކުދިކޮށް ކޮށާފައި
10 ފަތް މިންޓް ލީފް
1 މޭޒުމަތީ ސަމްސާ ސަންކުއިކް ޖޫސް
ތައްޔާރުކުރާނެ ގޮތް:
ފުރަތަމަ 2 ޖޯޑު ފެނަށް ހަކުރު އަޅައި ރަނގަޅަށް ގިރާލާށެވެ. ގިރާލުމަށް ފަހު މިކްސަރަށް ލުނބޯ ހުތް، ހަކުރު އަޅައި ގިރާފައި ހުރި ފެންތަށި ސަންކުއިކް ޖޫސް އަޅާލުމަށްފަހު ގިރާލާށެވެ. އެއަށް ފަހު 2 ތަށްޓައް ވާވަރަށް އަޅާލާށެވެ. އަދި ދެ ތައްޓަށް ބަހާލުމަށްފަހު ސްޓޯބެރީ، މިންޓް ލީފް އަޅާލައި ގިރާލާށެވެ.
މި ބުއިން އެންމެ މީރުވާނީ ރަނގަޅަށް ފިނިކޮށްލީމައެވެ. އެހެންކަމުން 3 ގަޑި އިރު އައިސް އަލަމާރީގައި ބަހައްޓާ ފިނިކޮށްލާށެވެ.
