"ހިޔާ ފުލެޓުތަކަށް ގޭސްފުޅި ގުޅާނީ ޕައިޕް ލައިން އަކުން، ފުޅި އަރުވާކަށް ނުޖެހޭނެ"
ހިޔާ ހައުސިން ޔުނިޓްތަކަށް ކައްކާ ގޭސްފުޅި ގުޅައިދޭނީ ޕައިޕްލައިނަކުން ކަމަށާއި، ގޭސްފުޅި މައްޗަށް އަރުވަން ނުޖެހޭނެ ކަމުގައި ހައުސިން ޑެވެލޮޕްމެންޓް ކޯޕަރޭޝަން (އެޗްޑީސީ) އިން ބުނެފިއެވެ.
ފްލެޓަށް މީހުން ވަންނައިރު މަސައްކަތް ނުނިމި ހުރި ނަމަވެސް، މޯލްޑިވްސް ގޭހާއި މަޝްވަރާ ކުރެވިގެން އެ ޚިދުމަތް ފެށުމަށް އަންނަނީ މަސައްކަތް ކުރެވިގެންނެވެ. އަދި މި ޚިދުމަތް ފެށުމާއެކު ވެގެން ދާނީ ކައްކާ ގޭސް ފޯރު ކޮށްދިނުމަށް މިކަހަލަ ގޮތަކަށް އެޅޭ ފުރަތަނަ ވިއުގަ އަކަށެވެ.
ހިޔާ މަޝްރޫއުގައި މިހާރު ކުރިއަށް ދާ އެންމެ ފަހުގެ މަސައްކަތަކީ ފްލެޓަށް މީހުން ބަދަލުވުމަށް ވާން ޖެހޭ އެންމެ ފަހުގެ ތައްޔާރީތައް ވުމެވެ. އަދި ފައިނަލް ލިސްޓު އާންމު ކޮޑް ފްލެޓުތަކަށް ގުރުއަތު ލުމުގެ މަސައްކަތް ވެސް މިހާރު ވަނީ ފަށައިފައެވެ.
މީހުން ބަދަލުވުމުގެ ކުރިން ފްލެޓްތަކުގައި ހުންނަންޖެހޭ އާންމު ޚިދުމަތްތައް ޤާއިމުކުރުމުގެ މަސައްކަތް ހައުސިންގ ޑިވެލޮޕްމަންޓް ކޯޕަރޭޝަން އެޗްޑީސީން ފަށައިފައިވާއިރު، މީހުން ބަދަލުވުމުގެ ކުރިން އެ ސަރަޙައްދަށް އާންމު ގިނަ ވިޔަފާރިތަކާއި ޚިދުމަތްތައް އަންނާނެކަމުގައި އެޗްޑީސީގެ މެނޭޖިންގ ޑިރެކްޓަރ ސުހައިލް އަޙުމަދު ވަނީ ވިދާޅުވެފައެވެ.
