ކޮވިޑް-19އަށް ރާއްޖޭގައި އެންމެ ގިނަ ދުވަހު ފަރުވާ ހޯދި މީހާ ، ބަލިން ފަސޭހަވެގެން ހޮސްޕިޓަލުން ދޫކޮށްލައިފި
ފެތުރެމުން އަންނަ ކޮވިޑް-19އަށް ރާއްޖޭގައި އެންމެ ގިނަ ދުވަހު ފަރުވާދިން މީހާ ބަލިން އެއްކޮށް ފަސޭހަވެގެން މިއަދު ހޮސްޕިޓަލުން ދޫކޮށްލައިފިއެވެ.
އައިޖީއެމްއެޗްގެ އެތެރެހަށީގެ ޚާއްސަ ޑޮކްޓަރެއްކަމަށްވާ އަދި ކޮވިޑް ބަލި މީހުންނަށް ފަރުވާ ދިނުމުގައި ކުރީ ސަފުގައި ހަރަކާތްތެރިވެ ވަޑައިގެންނަވާ ޑރ. މުހައްމަދު އަލީ މިއަދު ކުރެއްވި ޓްވީޓެއްގައި ވިދާޅުވީ ކޮވިޑަށް ފައްސިވެގެން ހޮސްޕިޓަލުގައި ހަތަރު މަސް ދުވަހަށް ވުރެ ގިނަ ދުވަސް ވަންދެން ފަރުވާ ހޯދި މީހަކު، މި ބަލިން އެއްކޮށް ފަސޭހަ ވެގެން މިއަދު ދޫކޮށްލައިފި ކަމަށެވެ.
އުމުރުން 58 އަހަރުގެ އެ އަންހެން މީހާ ކޮވިޑަށް ފައްސިވެގެން އެޑްމިޓްކޮށްފައި ވަނީ މިދިޔަ އަހަރުގެ ޑިސެމްބަރުމަހުގެ 12 ވަނަ ދުވަހުއެވެ. އަދި ދޫކޮށްލާފައި ވަނީ މިއަދުއެވެ.
އެނގިފައިވާ ގޮތުގައި މި މުއްދަތުގައި އެމީހާއަށް ވަނީ ދަރުމަވަންތަ ހޮސްޕިޓަލާއި، އައިޖީއެމްއެޗް އައިސީޔޫ އަދި އައިޖީއެމްއެޗް ޕްރައިވެޓް ވޯޑްގައި ފަރުވާދީފައެވެ.
ޑރ. މުހައްމަދު އަލީ ވަނީ 4 މަސް ދުވަސް ވަންދެން އެމީހާއަށް ފަރުވާ ދިނުމުގައި ހަރަކާތްތެރިވި ފަރާތްތަކުގެ މަސައްކަތް ފާހަގަ ކުރައްވައިފައެވެ.
ﷲއަށް ޙަމްދު ކުރާޙާލު ، އެހީތެރިވެދެއްވި އެންމެހާ ޑަކްޓަރުންނަށް ޝުކުރިއްޔާ…!
ދިވެހިރާއްޖެއަކީ އިޚުލާޞްތެރި ވަފާތެރި އެއްބަނޑު އެއްބަފާ ރައްޔިތުން ތަކެއް އުޅޭޤައުމެއްކަން ، އަބަދުވެސް ހަނދާންކުރަންވާނެ..
الحمدلله