ރައީސް ޔާމީން ޖަލުގައި ބަހައްޓަން ޖެހޭ ޤާނޫނީ އަސާސެއް ނެތް: ކުރީގެ އުއްތަމަ ފަނޑިޔާރު
ފަސް އަހަރު ދުވަހުގެ ޖަލުގެ ޙުކުމެއް ތަންފީޒު ކުރައްވަމުން ގެންދަވާ ކުރީގެ ރައީސް ޢަބްދުﷲ ޔާމީން ޢަބްދުލްޤައްޔޫމް ޖަލުގައި ބަހައްޓަން ޖެހޭ ޤާނޫނީ އަސާސެއް ނެތް ކަމަށް ކުރީގެ އުއްތަމަ ފަނޑިޔާރު ޑރ.އަޙްމަދު ޢަބްދުﷲ ދީދީ ވިދާޅުވެއްޖެއެވެ.
އެ މަނިކުފާނު މިހެން ވިދާޅުވީ މިއަދު ކުރެއްވި ޓްވީޓެއްގައެވެ.
ރައީސް ޔާމީން ގެއަށް ބަދަލު ކުރުމާ ގުޅޭ ގޮތުން އާވާހަކައެއް ނެތް ކަމަށް ރައީސް އޮފީހުގެ ތަރުޖަމާނު މަބްރޫކު އަޒީޒް ވިދާޅުވި ޚަބަރެއް ޓްވީޓް ކުރައްވަމުން ޑރ.ދީދީ ވިދާޅުވީ ޖިނާޢީ ޙުކުމެއް އިސްތިޢުނާފް ކުރުމުގެ ތަބީޢީ ނަތީޖާއަކީ އެ ޙުކުމް ތަންފީޒު ކުރުން ހުއްޓުމަކަށް އައިސް ޤާނޫނު އަސާސީގެ 51 ވަނަ މާއްދާގެ އ ގައި ބުނާ ޙައްޤުތައް އަލުން ކަށަވަރުވެގެން ދިއުން ކަމަށެވެ.
"އެހެންކަމުން އިސްތިޢުނާފްގެ މަރުޙަލާގައި ވެސް މުއްތަހަމަކު ބަންދުގައި ބެހެއްޓޭނީ ޤާނޫނު އަސާސީގެ 49ވަނަ މާއްދާއަށް ރިޢާޔަތްކޮށް ، އޭގެ ޤާނޫނީ އަސާސަކީ ޙުކުމް ތަންފީޒު ކުރުމެއް ނޫން ، ވީމާ ޤާނޫނު އަސާސީގެ 49ވަނަ މާއްދާއަށާއި 68ވަނަ މާއްދާއަށް ރިޢާޔަތްކޮށް ކަފާލާތުގެ އުޞޫލުން ރައީސް ޔާމީން ބަންދުން ދޫކުރަން ޖެހޭ" ޑރ.ޑީޑީ ވިދާޅުވިއެވެ.
ރައީސް ޔާމީންގެ މައްޗަށް ހުށަހެޅުނު މައްސަލަ މިހާރު ވަނީ ސްޕްރީމް ކޯޓްގައި އިސްތިޢުނާފް ކޮށްފައެވެ. މި މައްސަލައިގައި ހައި ކޯޓުން ވަނީ ދަށު ކޯޓްގެ ޙުކުމް ދަމަހައްޓައިފައެވެ.
އަދިއެބުރިއަންނާނަން