ނުރައްކަލުގެ ރަނގަބީލެއް: މިއީ ރާއްޖޭން ކޮވިޑްގެ އެންމެ ގިނަ ކޭސް ފެނުނު 24 ގަޑިއިރު
ރާއްޖެއިން 464 މީހުން މިއަދު ކޮވިޑަށް ފައްސިވެ 76 މީހުން ބަލިން ފަސޭހަ ވެއްޖެއެވެ.
މިއަދު ފައްސި ވެފައި ވަނީ މާލެއިން 207 މީހުންނާއި، އަތޮޅުތަކުން 146 މީހުންނާއި، ހިންގަމުން އަންނަ ރިސޯޓުތަކުން 14 މީހުންނާއި އަދި އިންޑްސްޓްރިއަލް އައިލެންޑުން 93 މީހުންނެވެ.
މިހާރު ރާއްޖެއިން މި ބައްޔަށް ޖުމްލަ 29,052 މީހުން ފައްސި ވެފައިވެއެވެ.
ރާއްޖެއިން މިހާރު ކޮވިޑް ބަލިން ފަސޭހަ ވެފައި ވަނީ ޖުމްލަ 25,575 މީހުންނެވެ. އަދި މިހާތަނަށް މިބަލީގައި ރާއްޖެއިން 72 މީހުން ނިޔާވެފައި ވެއެވެ.
ކޮވިޑް-19 ފެތުރުން ކޮންޓްރޯލު ކުރުމަށް އެޗްޕީއޭއިން އަޅާފައިވާ ބައެއް ފިޔަވަޅުތައް މިހާރު ވަނީ އުވާލައިފައެވެ. އެގޮތުން އިރުއޮއްސި 6:00 އިން ފެށިގެން އަނެއް ދުވަހުގެ ހެނދުނު 6:00 އަށް މާލެ ސަރަޙައްދުގައި އެއްގަމު އުޅަނދު ދުއްވުން މަނާ ކުރި އެންގުން މިހާރު ވަނީ ބާތިލުކޮށްފައެވެ. އަދި ޕާކު ތަކާއި މައިޒާންތައް ވެސް ވަނީ އަލުން ހުޅުވައިފައެވެ. މީގެ އިތުރުން ރޭގަނޑު 11:00 އިން ފަތިހު 4:30 އަށް މާލެ ސަރަޙައްދުގައި ބޭރުގައި އުޅުން މަނާކުރި ކާފިއު ވެސް އެޗްޕީއޭއިން މިހާރު ވަނީ އުވައިލައިފައެވެ.
Ads by STO
