ފަލަސްޠީނާއި އިސްރާއީލުގެ މަޖިލީހުގެ ދަޢުވަތު ރައީސް ނަޝީދަށް
ފަލަސްޠީނާއި އިސްރާއީލުގެ ޤާނޫނު ހަދާ މަޖިލީހުގައި ތަޤުރީރުކުރުމުގެ ދަޢުވަތު ރައްޔިތުން މަޖިލީހުގެ ރައީސް މުހައްމަދު ނަޝީދަށް ލިބިވަޑައިގެންފިއެވެ.
މިއަދުގެ ރައްޔިތުން މަޖިލީހުގެ ޖަލްސާ ފައްޓަވަމުން ނަޝީދު ވިދާޅުވީ، މިދަޢުވަތު ލިބުނު ނަމަވެސް މިކަމާ ގުޅިގެން އެމަނިކުފާނު އަދި ވަކިގޮތެއް ނިންމަވާފައި ނުވާކަމަށެވެ.
ނަޝީދު ވިދާޅުވީ ފަލަސްޠީނު ރައްޔިތުންނަށް އެހީތެރިކަމެއް ދެވެން އެއްވެސް މިންވަރަކަށް ވާނަމަ އެއީ ދިވެހިން އަބަދުވެސް އެދޭނެކަމެއް ކަމަށެވެ. އަދި އެކަމުގައި އެމަނިކުފާނު އަމަލު ކުރައްވާނެ ގޮތެއް ނިންމަވާނީ ވީހާވެސް ގިނަ ބަޔަކާ މަޝްވަރާ ކުރެއްވުމަށް ފަހުގައި ކަމަށްވެސް އެމަނިކުފާނު ވިދާޅުވިއެވެ.
"ފަލަސްތީނު ރައްޔިތުންގެ މިނިވަންކަމާއި، އެރައްޔިތުންނަށް ދަޢުލަތެއް ޙައްޤުކަން އެއީ އެއްވެސް ހާލަތެއްގައި އަޅުގަނޑަށް ޔަޤީން ކަށަވަރު، މިމަޖިލީހުގެ އެއްވެސް މެންބަރަކު އެކަމާ އިންކާރު ކުރާނެކަމެއް ނޫން” ނަޝީދު ވިދާޅުވިއެވެ.
މީގެ އިތުރުން ނަޝީދު ވިދާޅުވީ މިފަދަ ކަންކަމުގައި ރައްޔިތުންގެ މެދުގައި ފާޅުކުރާ ޚިޔާލުތައް މުހިއްމު ކަމަށާއި މިފަދަ ކަންކަމުގައި އަމަލުކުރަން ޖެހޭނީ ހުރިހާ އެންމެން ހިތްހަމަޖެހޭ ގޮތެއް ހޯދައިގެން ކަމަށެވެ.
ތިޔައުޅެނީީ އިޒްރާއީލަށްް ދާންވެގެންް. ފަލަސްތީނޭޭ ތިޔަކިޔަނީީ މަތިޖަހަންް.