ނުރައްކަލުގެ ރަނގަބީލުގެ އަޑުމަޑެއް ނުވޭ، މިއަދު ވެސް ފައްސިވީ އަދަދު 300 އަށްވުރެ މަތި!
ރާއްޖެއިން ކޮވިޑް-19އަށް ފައްސިވީ މީހުންގެ ޖުމްލަ އަދަދު 30,000އާ ގާތްކޮށްފިއެވެ.
އެޗްޕީއޭއިން އާންމު ކޮށްފައިވާ ޑާޓާއަށް ބަލާއިރު ކޮވިޑް-19 އަށް ރާއްޖެއިން މިއަދު އިތުރު 318 މީހުން ފައްސިވެފައި ވެއެވެ. އެއީ މާލެއިން 142 މީހުންނާއި، އަތޮޅުތަކުން 130 މީހުންނާއި، ހިންގަމުން އަންނަ ރިސޯޓުތަކުން 33 މީހުންނާއި އަދި އިންޑްސްޓްރިއަލް އައިލެންޑްސްއިން 4 މީހުންނެވެ.
މިހާރު ރާއްޖެއިން މިބައްޔަށް ޖުމްލަ 29،370 މީހުން ފައްސި ވެފައިވެއެވެ.
ރާއްޖެއިން މިހާރު ކޮވިޑް ބަލިން ފަސޭހަ ވެފައި ވަނީ މިއަދު ފަސޭހަވި 128 މީހުންނާއެކު ޖުމްލަ 24،703 މީހުންނެވެ.
މިހާތަނަށް މިބަލީގައި ރާއްޖެއިން 73 މީހުން ނިޔާވެފައިވެއެވެ.
ހޮސްޕިޓަލުތަކުގައި މިހާރު ފަރުވާ ހޯދަމުން ދަނީ 134 މީހުންނެވެ.
ނިމިދިޔަ 24 ގަޑިއިރު ތެރޭގައި ރާއްޖެއިން ކޮވިޑަށް ޓެސްޓުކުރަން ނަގައިފައި ވަނީ 2،556 ސާމްޕަލެވެ.
