މުޒާހަރާ ރޫޅައިލި ފުލުހުން ސަސްޕެންޑްކޮށްފި
މަސައްކަތުގެ މާހައުލުގައި ކުރިމަތިވާ ޖިންސީ ފުރައްސާރައާ ދެކޮޅަށް ޒުވާނުންތަކެއް ރޭ މާލޭގައި ކުރި މުޒާހަރާ ރޫޅައިލުމުގައި ހަރަކާތްތެރިވި ފުލުހުން ފްރޮންޓް ލައިން ޕޮލިސިންގެ މަސްއޫލިއްޔަތު ތަކުން ސަސްޕެންޑްކޮށްފިއެވެ.
ފުލުހުން ވިދާޅުވީ، މަސައްކަތުގެ މާހައުލުގައި އަންހެނުންނަށް ކުރިމަތިވާ ޖިންސީ ފުރައްސާރައާ ދެކޮޅަށް ރޭ ކުރިއަށް ގެންދިޔަ މުޒާހަރާ ރޫޅާލުމުގައި ބާރުގެ ބޭނުންކޮށްފައިވާ ގޮތް ޕްރޮފެޝަނަލް ސްޓޭންޑަޑްސް ކޮމާންޑާއި ޔޫސް އޮފް ފޯސް ރިވިއު ކޮމިޓީން ބަލައި ގޮތެއް ނިމެންދެން، ފްރޮންޓް ލައިން ޕޮލިސިންގެ މަސްއޫލިއްޔަތު ތަކުން އެ ފުލުހުން މިހާރު ދުރުކޮށްފައިވާ ކަމަށެވެ.
ޒުވާނުންތަކެއް ހިމެނޭ "ރައިޒް އަޕް އެމްވީ" މޫވްމަންޓުން އިންތިޒާމުކޮށްގެން ކުރިއަށް ގެންދިޔަ މުޒާހަރާ ފެށީ ރޭ ރަސްފަންނު ސަރަހައްދުންނެވެ. އެެއަށްފަހު މަޖީދީމަގުން އިރަށްވާ ގޮތަށް މުޒާހަރާގެ ބައިވެރިން ވަނީ ގޮސްފައެވެ. ނަމަވެސް ފުލުހުން ވަނީ މަޖީދީމަގު ސަން ފްރޮންޓް ފިހާރައާ ހަމައިން އިހްތިޖާޖުގެ ބައިވެރިން ހުއްޓުވައިފައެވެ. އަދި ހާލަތާ ނުބައްދަލު ބާރުގެ ބޭނުންކޮށް މުޒާހަރާގެ ބައިވެރިންނާ ވަރަށް ގާތުން އެމީހުންގެ ލޮލަށް ޕެޕަރ ސްޕްރޭ ޖަހާފައި ވެއެވެ.
މި މަންޒަރުތައް މީސްމީޑިއާގައި ދައުރުވުމާ ގުޅިގެން ފުލުހުންނަށް ދަނީ ފާޑު ކިޔުންތައް އަމާޒުވަމުންނެވެ.
އަންހެން ފުލުހަކު ފެނޭ ގުދު ވެގެން އަންހެން ކުއްޖެއްގެ މޫނު ހޯދާފަ ހަމަ ވަރަށް ކައިރިން ލޮލަށް ސްޕްރޭ ޖަހާތަން ތަން ކޮޅެއް ބޮޑުވަރު. ރުޅިބާލަން އަދުރޭމެނެއްވެސް ނޫންވިއްޔަ