ވެކްސިން ޖެހުމުން ދަތުރު ކުރުމަށް ދީފައިވާ ލުއި މެދުކަނޑާލަނީ
ކޮވިޑް-19 އިން ދިފާއުވުމަށް ޓަކައި ޖަހާ ވެކްސިންގެ ދެ ޑޯޒް ފުރިހަމަ ކުރުމަށްފަހު ރަށްރަށަށް ދަތުރު ކުރުމަށް ދީފައިވާ ލުއި މެދުކަނޑާލަން ނިންމައިފިއެވެ.
ހެލްތު އެމަޖެންސީ އޮޕަރޭޝަން ސެންޓަރ (އެޗްއީއޯސީ) އިން އާންމުކޮށް އަންގާފައިވާ އެންގުމުގައި ވިދާޅުވެފައި ވަނީ ވެކްސިން ޖެހުމުން ދަތުރު ކުރުމަށް ލިބިފައިވާ ލުއި، މި ހިނގާ މެއި މަހުގެ 5 އިން 15 އަށް މެދުކަނޑާލަން ނިންމާފައިވާ ކަމަށެވެ.
ލޯކަލް ގަވަމެންޓް އޮތޯރިޓީ އާއި ގުޅިގެން ނެރެފައިވާ މި އެންގުމުގައި އިތުރަށް ވިދާޅުވެފައި ވަނީ ހުއްދައާއެކު ޒަރޫރީ ބޭނުންތަކަށް ފިޔަވާ މީހުން ދިރިއުޅޭ ރަށްރަށާއި ސިނާއީ މަސައްކަތް ކުރާ ރަށްރަށަށް ދަތުރު ކުރުން ހުއްޓާލުމަށެވެ. އަދި އެ ރަށްރަަށަށް ދަތުރު ކުރާ ފަރާތްތަށް 10 ދުވަހުގެ ކަރަންޓީނAއެކު މާލެއިން ރަށްރަށަށް ދަތުރު ކުރުމަށް ވެސް އަންގާފައިވެއެވެ.
ރާއްޖޭގައި ކޮވިޑް-19 ފެތުރޭ މިންވަރު އަނެއްކާ ވެސް ވަނީ ވަރަށް ބޮޑަށް އިތުރުވެފައެވެ. އެ ގޮތުން ހެލްތު ޕްރޮޓެވްޝަން އޭޖެންސީ (އެޗްޕީއޭ) ގެ އެންމެ ފަހުގެ ތަފާސް ހިސާބުތަކަށް ބަލާއިރު އިއްޔެ އަތޮޅުތެރެއިން ކޮވިޑް-19 އަށް 185 މީހުން ފައްސި ވެފައި ވެއެވެ. އަދި މާލެ ސަރަޙައްދުން 276 މީހުން މި ބައްޔަށް ފައްސިވެ، އިއްޔެގެ ޖުމްލަ އަދަދު ވަނީ 508 އަށް އަރާފައެވެ.
މިހާރު ރާއްޖެއިން މި ބައްޔަށް 30،745 މީހުން ފައްސިވެފައިވެއެވެ. އަދި ކޮވިޑް-19 ޖެހިފައިވާ 25،068 މީހުން ރާއްޖެއިން ވަނީ މި ބަލިން ފަސޭހަވެފައެވެ. މިހާތަނަށް ރާއްޖެއިން މި ބަލީގައި ނިޔާވެފައި ވަނީ 74 މީހުންނެވެ.
ތީއަރަތެއް