ހާލަތު ގޯސްވެ ރާއްޖެއިން އާ ވޭރިއަންޓެއް ފެނިދާނެ ކަމުގެ އިންޒާރު
ރާއްޖޭގައި ކޮވިޑް-19 ގެ ހާލަތު ގޯސްވެ، އާ ވޭރިއަންޓެއް ފެނިދާނެ ކަމުގެ ބިރު އެބައޮތްކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) ގެ ޑޮކްޓަރު، ޑރ، ފާތިމަތު މުފްލިހާ ވިދާޅުވެއްޖެއެވެ.
ހެލްތު އެމަޖެންސީ އޮޕަރޭޝަންސް ސެންޓަރ (އެޗްއީއޯސީ) ގެ ފަރާތުން މިހާރު ކުރިއަށްގެންދާ ނޫސްވެރިންގެ ބައްދަލުވުމުގައި ވާހަކަ ދައްކަވަމުން ޑރ. މުފްލިހާ ވިދާޅުވީ އިންޑިއާގެ ހާލަތަށް ރާއްޖެ ދިޔުމުގެ ބިރު އެބައޮތް ކަމަށެވެ. އަދި މިވަގުތު ރާއްޖޭގެ ހާލަތު ދައްކާ ގޮތަށް ބަލާއިރު، ރާއްޖޭގައި ވެސް ކޮވިޑްގެ އާ ވޭރިއަންޓެއް ފެނުމަކީ ވެސް އެކަށީގެންވާ ކަމެއް ކަމުގައި ޑރ. މުފްލިހާ ވިދާޅުވިއެވެ.
ޑރ. މުފްލިހާ ވިދާޅުވީ، ކޮވިޑް-19 އަށް ފަރުވާ ދިނުމަށް ހޮސްޕިޓަލު ތަކުގައި އެޑްމިޓު ކޮށްފައިވާ މީހުންގެ އަދަދުތައް ވެސް މިފަހަކަށް އައިސް ވަނީ އިތުރު ވެފައި ކަމަށެވެ. އެގޮތުން މީގެ ދެ ހަފްތާ ކުރިން އެޑްމިޓު ކޮށްފައިވާ އަދަދު 60 އަށް އެރިކަމަށާއި އެހެންނަމަވެސް މިހާރު އޭގެ ތިން ގުނަ މަތިވެއްޖެ ކަމަށެވެ.
ފައްސިވާ އަދަދުތައް މިހާވަރަށް މަތި ވަނީނަމަ ސިއްޙީ ދާއިރާއަށް ވެސް ދަތިތަކަކާ ކުރިމަތި ވެދާނެ ކަމަށް ވެސް ޑރ. މުފްލިހާ ވިދާޅުވިއެވެ.
ކޮންމެ ފަހަރަކުވެސް ބަލި ފެތުރެން ދިމާވަނީ އެއްސަބަބެއް.
ކުރީ ފަހަރުވެސް މިފަހަރުވެސް ބޭރުން އަންނަ މީހުނާމެދު ފަރުވާ ކުޑަކުރެވެނީ.
މިފަހަރު އިންޑިއާ ރައްޔިތުން، ކުރީފަހަރު ދިވެހީން.
ވޯޓުލީއިރު ތި އާ ވޭރިއެންޓު ކޮބާ. ހަމަ އިނަތިހާބު ނިމުނީމަ ކޮވިޑު އުޅޭ އެއްޗަކަށް ވީ؟ ސިޔާސީ ވެގެން ގޮސް …