އަޅުގަނޑަކީ ޑޮކްޓަރެއް ނަރުހެއް ނޫން، އެޗްޕީއޭއިން އެދުނު ކޮންމެ މަސައްކަތެއް ކޮށްދޭން ތައްޔާރު : ރީކޯ މޫސަ
އެޗްޕީއޭއިން އެދުނު ކޮންމެ މަސައްކަތެއް ކުރަން ތައްޔާރަށް ހުންނެވިކަމަށް ރައްޔިތުންގެ މަޖިލީހުގެ ކުރީގެ ނައިބު ރައީސް މޫސާ މަނިކު (ރީކޯ މޫސަ) ވިދާޅުވެއްޖެއެވެ.
ރީކޯ މޫސަ މިއަދު ކުރެއްވި ޓްވީޓެއްގައި މިހެން ވިދާޅުވެފައި ވަނީ ކޮވިޑް19 އަށް ޕޮޒިޓިވްވާ މީހުން އިންތިހާއަށް ގިނަވެ، ހޮސްޕިޓަލުތަކަށް ބާރުބޮޑުވަމުން އަންނަ ދަނޑިވަޅުގައި، ބަލި މީހުންނަށް ފަރުވާ ދިނުމަށް ފަންނަނީ އިތުރު މުވައްޒަފުންގެ ބޭނުން ޖެހިފައިވާކަމަށް ހެލްތު މިނިސްޓްރީން ވިދާޅުވުމާ ގުޅިގެންނެވެ.
އެ ޓްވީޓުގައި ރީކޯ މޫސަ ވިދާޅުވީ ރާއްޖޭގައި މީގެ ކުރިން ސުނާމީގެ ހާލަތުގައި ވެސް ވޮލެންޓިއަރުންގެ ގޮތުގައި ގިނަ ބަޔަކު މަސައްކަތްކުރި ކަމަށެވެ. އަދި ތިމާގެ ހުނަރާ، ކެރުމާއެކު އަނެކުންނަށް އެހީތެރިވުމަކީ އިންސާނީ ވާޖިބެއް ކަމަށާއި، އޭނާއަކީ ޑޮކްޓަރެއް އަދި ނަރުހެއް ނޫންކަމުގައި ވިޔަސް އެޗްޕީއޭއިން އެދުނު ކޮންމެ މަސައްކަތެއް ކުރަން ތައްޔާރަށް ހުރި ކަމަށެވެ.
ހެލްތު މިނިސްޓްރީން ކުރެއްވި އިއުލާނެއްގައި ވިދާޅުވެފައި ވަނީ ކޮވިޑްގެ އޮޕަރޭޝަންގައި ބައްޔަށް ޕޮޒިޓިވްވާ ފަރާތްތަކަށް ފަރުވާ ދިނުމަށް ފަންނީ އިތުރު މުވައްޒަފުން ހޯދުމަށް ބޭނުންވެފައިވާ ކަމަށެވެ.
އަދި އެ މަސައްކަތުގައި ވޮލަންޓިއާ ކުރަން ބޭނުންވާ ހެލްތު ޕްރޮފެޝަނަލުންގެ ވަނަވަރު[email protected] އަށް އީމެއިލް ކުރުމަށް ހެލްތުން ވަނީ އެދިފައެވެ.
ތިކަމުގައިބަރިބަރިއައް ލާފަތިބި މިނިސްޓަރުންގެ އާއިލާތައް އިސްކަން ދޭންވާނެ.
ކަލެއަކީ ޑޮކްޓަރެއް. ނަރުހެއް. ލޯޔަރެއް. ފަނޑިޔާރެއް.
މަގުމަތީ ކޯޓު ހަދައިގެން ހުކުމް ނެރުނު އުއްތަމަ ފަނޑިޔާރު.