ދެން ރެސިޕީ | އާލިއޯ އޯލިއޯ
ބޭނުންވާ ތަކެތި:
4 ލޮނުމެދު
2 ހިކިމިރުސް
2 ޖޯޑު ޕާސްޓާ
4 ޖޯޑު ފެން
2 މޭޒުމަތީ ސަމުސާ އޮލިވް އޮއިލް
10 ހިކަނދިފަތް
4 ޗީޒް ފޮތި
ތައްޔާރުކުރާނެ ގޮތް:
1. ތެއްޔަކަށް ފެން އަޅައި އެބޮކި ޖަހާ ކެކިގަންނަންދެން އުނދުން މަތީގައި އުދާފައި ބަހައްޓާށެވެ.
2. ފެންގަނޑު ކެކިގަތުމުން ޕާސްޓާ، ލޮނު އަދި މޭޒުމަތީ ސަމްސަލެއްގެ އޮލިވް އޮއިލް އޭގެ ތެރެއަށް އަޅައި ރަނގަޅަށް އެއްކޮށްލާފައި ކެކެންދެން ބަހައްޓާށެވެ. ޕާސްޓާ ކެކެން 10 – 15 މިނެޓް ވެދާނެއެވެ. ޕާސްޓާ ކެކުމުން އެ ހުންނަންވާނީ މަޑުކޮށެވެ. ނަމަވެސް އޭގައި ދަތް އަޅައިލުމުން ކޮންމެވެސް ވަރެއްގެ އޮއްޓަރެއްވެސް އިހުސާސް ކުރެވޭ ވަރަށެވެ.
3. ޕާސްޓާކޮޅު ކެކެމުން ދާއިރު އެހެން ތަކެތި ކޮށާލާށެވެ. ލޮނުމެދާއި، ހިކަނދިފަތް އަދި މިރުސް ކޮށާނީ ކުދިކޮށް ތުނިކޮށެވެ.
4. ޕާސްޓާކޮޅު ކެކުނީމައި، ފުރާނާލަފައި އެއްޗަކަށް އަޅައި ބަހައްޓާށެވެ. ޕާސްޓާ ކެއްކި ފެންގަނޑުގެ ޖޯޑެއްހާ އެތިކޮޅެއް ވެސް ނަގާފައި ވަކިން ބަހައްޓާށެވެ.
5. މޭޒުމަތީ ސަމުސަލެއްގެ ތެޔޮކޮޅެއްގައި ވަރަށް ގިނިމަޑުކޮށް ބަހައްޓައިގެން ލޮނުމެދުކޮޅާއި ހިކަނދިފަތް އަދި މިރުސް ކޮޅު 5 ވަރަކަށް މިނެޓުވަންދެން ކައްކާލާށެވެ. ލޮނުމެދުކޮޅު އެނދިޔަ ނުދެއްޗެވެ.
6. ދެން ޕާސްޓާކޮޅު އޭގެ ތެރެއަށް އަޅާލާށެވެ. މާ ހިކިހެން ހީވާނަމަ ކުރިން ރައްކާކުރި ފެންކޮޅުގެ ކުޑައެތިކޮޅެއް އޭގެ ތެރެއަށް އަޅާލާށެވެ.
7. ރަނގަޅަށް އެއްކޮށްލާފައި އެއްވުމުން، ޗީޒް ފޮތިތައް އެޅުމަށް ފަހު އަނެއްކާ ވެސް އެއްކޮށްލާށެވެ. މީގެ ތެރެއަށް ބޭނުމިއްޔާ މަސް ދަޅެއްވެސް އަޅާލެވިދާނެއެވެ. އަދި ސްޕިނެޗް ފަތް ކޮޅަކާއި ސަން ޑްރައިޑް ޓޮމާޓޯ ކޮޅެއް ވެސް ހުރި ނަމަ ބޭނުން ކޮށްލެވިދާނެއެވެ.
