ފަންސާހެއްހާ މާބަނޑު މީހުން ކޮވިޑް-19އަށް ފައްސިވެފައި، އެކަކު ވެންޓިލޭޓަރުގައި
ކޮވިޑް-19އަށް ފައްސިވެ މިވަގުތު ފަންސާހެއްހާ މާބަނޑު އަންހެނުންނަށް ފަރުވާދެމުން އަންނަ ކަމަށް އައިޖީއެމްއެޗްގެ ޑޮކްޓަރު ، ޑރ.މުހައްމަދު ޢަލީ ވިދާޅުވެއްޖެއެވެ.
އޭނާ ވިދާޅުވީ މިވަގުތަށް ބަލާނަމަ ފަންސާހާ ގާތްކުރާ އަދަދަކަށް މާބަނޑު މީހުންނަށް ކޮވިޑަށް ފައްސިވެގެން ފަރުވާ ހޯދަމުން އަންނަ ކަމަށާއި އޭގެ ތެރެއިން އެކަކު އޮތީ ވެންޓިލޭޓަރުގައި ކަމަށެވެ.
ކޮވިޑް-19 އިން ރައްކާތެރިވުމަށް ޓަކައި ރާއްޖޭގައި މާބަނޑު މީހުންނަށް ދެމުން އަންނަނީ ފައިޒާ ވެކްސިނެވެ.
ރާއްޖެއިން ކޮވިޑް-19އަށް ފައްސިވާ މީހުންގެ އަދަދު ވަނީ އިންތިހާއަށް އިތުރުވެފައެވެ. އަދި މިބަލީގެ ޝިކާރައަކަށް ގިނަ ކުޑަކުދިންތަކެއް ވެސް ވަނީ ވެފައެވެ.
މިއަދު ވެސް ރާއްޖެއިން 1007 މީހުން ވަނީ ކޮވިޑް-19އަށް ފައްސިވެފައެވެ. އޭގެ ތެރޭގައި މާލެއިން ފައްސިވީ 793 މީހުންނާއި އަތޮޅު ތެރެއިން ފައްސިވީ 183 މީހުންނެވެ. އަދި ހިންގަމުންދާ ރިސޯޓުތަކުން 26 މީހުން ފައްސިވެފައިވެއެވެ.
