ކޮވިޑް-19އަށް ފައްސިވެ ސޯދުބެއަަށް ދަރުމަވަންތަ ހޮސްޕިޓަލުގައި ފަރުވާ ދެނީ

ނިޝާން އިއްޒުއްދީނުގެ އިއްޒަތުގެ ވެރިޔާ (ނޢޢވ) ލިބިވަޑައިގެންފައިވާ ދިވެހި ބަހުގެ މަޝްހޫރު އުސްތާޛު އަބްދުﷲ ސޯދިގު (ސޯދުބެ) ކޮވިޑް-19 އަށް ފައްސިވެ، ދަރުމަވަންތަ ހޮސްޕިޓަލްގައި ފަރުވާ ހޯއްދަވަމުން އެބަ ގެންދަވައެވެ.

Ads by STELCO

އެނގިފައިވާ ގޮތުގައި ސޯދުބެ ވަނީ ކޮވިޑް-19 އިން ދިފާއުވުމަށް ޓަކައި ވެކްސިންގެ ދެ ޑޯޒް ވެސް ފުރިހަމަ ކުރައްވައިފައެވެ.

ސޯދުބެ ކޮވިޑަށް ފައްސިވުމާ ގުޅިގެން އެތައް ބަޔަކު ދަނީ އެ މަނިކުފާނަށް އަވަސް ޝިފާއެއް މިންވަރު ކުރެއްވުން އެދި ހެޔޮ ދުޢާ ކުރަމުންނެވެ.

މުލަކު އަތޮޅު މުއްޔަށް އުފަން، އުމުރުފުޅުން މިހާރު 85 އަހަރުގެ ސޯދުބެ ވަނީ ސަރުކާރަށް 55 އަހަރަށް ވުރެ ދިގު މުއްދަތެއްގައި ހިދުމަތް ކުރައްވައިފައެވެ. އަދި އެ މަނިކުފާނު މިހާރު ވެސް ހުންނެވީ ދިވެހި ބަހުގެ އެކެޑަމީގެ ހާއްސަ މުޝީރެއްގެ މަޤާމުގައެވެ.

ސޯދުބެއަކީ ސަރުކާރުގެ ހިދުމަތުގެ އިތުރުން ދިވެހި އަދަބިއްޔާތަށާއި، ނޫސްވެރިކަމާއި، ރާއްޖޭގެ ތައުލީމީ ދާއިރާއަށް އަގު ނުކުރެވޭ ފަދަ މުހިއްމު ހިދުމަތްތަކެއް ކޮށްދެއްވާފައިވާ އަދި މިހާރުވެސް އެ ހިދުމަތުގައި ދެމިހުންނެވި ބޭފުޅެކެވެ.