ނުތަކާވަރުވެ އައިޖީއެމްއެޗްގެ އާންމު ޚިދުމަތްތައް ވެސް ހުއްްޓުމަކަށް އައިސްފި: ޑރ. މުޙައްމަދު ޢަލީ

ކޮންޓެކްޓް ޓްރޭސިންގް ހެދުން ނުކުޅަދާނަވެ، އައިޖީއެމްއެޗްގެ އާންމު ޚިދުމަތްތައް ވެސް ހުއްްޓުމަކަށް އައިސްފައިވާ ކަމަށް އެޗްއީއޯސީގެ ޓެގް ޓީމުގައި ހިމެނިވަޑައިގަންނަވާ ޑރ. މުޙައްމަދު ޢަލީ ވިދާޅުވެއްޖެއެވެ.

Ads by STELCO

ކޮވިޑް-19އަށް ފަރުވާ ހޯދަމުން ދިޔަ އިތުރު މީހެއް ނިޔާވެއްޖެކަން ހާމަ ކުރައްވަމުން ޑރ. މުޙައްމަދު ޢަލީ ކުރެއްވި ޓްވީޓެއްގައި ވިދާޅުވީ އައިޖީއެމްއެޗްގެ ބައެއް ވޯޑުތަކުންދޭ ޚިދުމަތްތައް ވެސް މެދުކެނޑިފައިވާ ކަމަށާއި، ސަބަބަކީ ނަރުހުން ކޮވިޑް ބަލި ޖެހިފައިވާ މީހުން ބެލުމަށް ގެންދަން ޖެހުން ކަމަށެވެ.

"ފައްސިވަމުން އަންނަ އަދަދުތައް ދަށެއް ނުވޭ. ދަނީ ހަލުވިކަމާއެކު އިތުރުވަމުން. އައިޖީއެމްއެޗްގައި އާންމު ޚިދުމަތްތައް ވެސް މިވަނީ ހުއްޓުމަކަށް އައިސްފަ. މުވައްޒަފުންގެ ޑިއުޓީ ގަޑި ދުވާލަކު 12 ގަޑިއިރަށް މިވަނީ ދަމައިލައިފަ" ޑރ. މުޙައްމަދު ޢަލީ ވިދާޅުވިއެވެ.

ޑރ. މުޙައްމަދު ޢަލީ އިތުރަށް ވިދާޅުވީ ދުޢާ ކުރުމަށާއި މި ބަލިން ރައްކާތެރިވުމަށް ޓަކައި އިރުޝާދުތަކަށް ބޯލެނބުމަށެވެ.

މިހާލަތުގައި މުވައްޒަފުން، ނަފްސާނީ އަދި ޖިސްމާނީ ގޮތުން ވެސް ވަރުބަލި ވާނެ ކަމަށް ޑރ. މުޙައްމަދު ޢަލީ ވިދާޅުވިއެވެ.

އައިޖީއެމްއެޗްގެ ޚިދުމަތްތަށް ކޮވިޑްގެ ބަލި މީހުންނަށް ޚިދުމަތްދޭ ތަނަކަށް ހެދުމަށާއި، އެހެން ބަލިތަކަށް ފަރުވާ ހޯދަން ދާ ބަލިމީހުން މިދުވަސްކޮޅު އެހެން ހޮސްޕިޓަލުތަކަށް ފޮނުވާލަން ފެންނަ ކަމުގައި ވެސް ޑރ. މުޙައްމަދު ޢަލީ ވިދާޅުވިއެވެ.