ކޮވިޑް-19 ޖެހިގެން ރާއްޖެއިން 105ވަނަ މީހާ ނިޔާވެއްޖެ

ކޮވިޑް-19 ޖެހިގެން ފަރުވާދެމުން ދިޔަ އިތުރު މީހަކު ރާއްޖެއިން ނިޔާވެއްޖެއެވެ.

Ads by Sosun Fihaara

މައުލޫމާތު ލިބޭ ގޮތުގައި ފަރުވާ ދެމުން ދަނިކޮށް ނިޔާވެފައި ވަނީ 66 އަހަރުގެ އަންހެނެކެވެ. އޭނާއަށް ފަރުވާދެމުން ދިޔައީ ހުޅުމާލޭ މެޑިކަލް ފެސިލިޓީގައެވެ.

މިއީ މިއަދު ރާއްޖެއިން ކޮވިޑް ޖެހިގެން ނިޔާވި 2 ވަނަ މީހާއެވެ. އަދި މުޅިއެކު 105 މީހުން މި ބަލީގައި ރާއްޖެއިން މިހާރު ދުނިޔެ ދޫކޮށްފައިވެއެވެ.

ރާއްޖޭގައި ކޮވިޑް-19އަށް ފައްސިވާ މީހުންގެ އަދަދު ފާއިތުވެދިޔަ ހަފްތާގެ ތެރޭގައި އުޅެނީ ހާހުން މަތީގައެވެ. އަދި ބަލި ޖެހޭ މީހުންގެ ތެރޭގައި ކުޑަކުދިންނާއި މާބަނޑު އަންހެނުން ވެސް ހިމެނެއެވެ.