ކޮވިޑް ބަލީގައި ލ. އަތޮޅުން ފުލުފުލުގައި ދެ މަރު، ޖުމްލަ އަދަދު 107 އަށް

ކޮވިޑް-19 ޖެހިގެން ފަރުވާދެމުން ދިޔަ އިތުރު ދެ މީހަކު ރާއްޖެއިން ނިޔާވެއްޖެއެވެ.

Ads by Hajj Corporation

ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ވިދާޅުވީ ލާމު ކޮވިޑް ފެސިލިޓީގައި ފަރުވާ ހޯދަކުން ދިޔަ އުމުރުން 87 އަހަރުގެ ފިރިހެނަކާއި، 69 އަހަރުގެ އަންހެނެއް ނިޔާވެފައިވާކަމަށެވެ.

މި ދެމީހުން ވެސް ނިޔާވެފައި ވަނީ ރޭގެ ވަގުތެއްގައެވެ. 87 އަހަރުގެ ފިރިހެން މީހާ ނިޔާވި ކަމަށް ކަނޑައަޅާފައި ވަނީ ރޭ 01:54 ގައެވެ. އަދި 69 އަހަރުގެ އަންހެން މީހާ ނިޔާވެފައި ވަނީ 03:01 ގައެވެ.

މާތް ﷲ އެމައްޔިތާގެ ފުރާނައަށް ހެޔޮ ރަޙްމަތް ލައްވަވައި ފާފަ ފުއްސަވައި ސުވަރުގޭގެ މަތިވެރި ނިޢުމަތް މިންވަރު ކޮށްދެއްވާށިއެވެ. އާމީން! އަދި މި ހިތްދަތި ވަގުތުގައި ޢާއިލާއަށް ކެތްތެރިކަން ދެއްވާށިއެވެ. އާމީން!

إِنَّا لِلّهِ وَإِنَّـا إِلَيْهِ رَاجِعُون