ކޮވިޑް-19: ބެކްލޮގް އަދަދުތަކާއެކު އިތުރު 1،187 މީހުން ފައްސިވެއްޖެ
ބެކްލޮގް އަދަދުތަކާއެކު އިތުރު 1،187 މީހުން ރާއްޖެއިން ކޮވިޑް-19 އަށް ފައްސިވެއްޖެއެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން އާންމުކުރި ތަފާސް ހިސާބުތަކުން ދައްކާ ގޮތުގައި އިތުރު 1،187 މީހުން ވަނީ ރާއްޖެއިން ކޮވިޑް-19 އަށް ފައްސިވެފައެވެ. އޭގެތެރެއިން 438 މީހުންނަކީ އިއްޔެގެ އިރުއޮއްސި 6:00 އިން މިއަދުގެ އިރުއޮއްސި 6:00 އަށް ސާމްޕަލް ނެގުނު ފަރާތްތަށް ކަމަށް ވެސް އެޗްޕީއޭއިން ވިދާޅުވިއެވެ.
އެޗްޕީއޭގެ ހިސާބުތަކުން ދައްކާ ގޮތުގައި މިއަދު މާލެއިން ފައްސިވީ 965 މީހުންނެވެ. އަތޮޅުތެރެއިން 214 މީހުންނާއި، ހިންގަމުން އަންނަ ރިސޯޓުތަކުން 6 މީހުން ފައްސި ވެފައިވެއެވެ. އަދި ކަނޑު އުޅަނދުފަހަރުން 2 މީހަކު ފައްސި ވެފައިވެއެވެ.
މިހާރު ރާއްޖެއިން ކޮވިޑް-19އަށް މުޅިއަކު ފައްސިވެފައި ވަނީ 48،608 މީހުންނެވެ.
ބަލިން ފަސޭހަވެފައިވަނީ 29،644 މީހުންނެވެ. އަދި މި ބަލީގައި ރާއްޖެއިން މިހާތަނަށް ނިޔާވެފައި ވަނީ 112 މީހުންނެވެ.
ރާއްޖެއިން ކޮވިޑް-19 އަށް ހޮސްޕިޓަލުތަކުގައި މިވަގުތު ފަރުވާ ދެމުންދަނީ 274 މީހުންނެވެ.
ބެކްލޮގް މީ ހުސްވާވެސް އެއްޗެއް ނޫންބާ؟