ކޮވިޑް-19: މިމަހުގެ މިހައިތަނަށް 39 މަރު، 64% މީހުން ވެކްސިން ނުޖަހާ
މި ހިނގާ މެއި މަހުގެ މިހާތަނަށް 39 މީހުން ކޮވިޑް ބަލީގައި ރާއްޖެއިން ނިޔާވެފައިވާ ކަމަށާއި އޭގެތެރެއިން 64% މީހުން މި ބަލިން ދިފާއުވާން ވެކްސިންގެ އެންމެ ޑޯޒެއް ވެސް ފުރިހަމަ ކޮށްފައިނުވާ ކަމަށް ހެލްތު އެމަޖެންސީ އޮޕަރޭޝަން ސެންޓަރ (އެޗްއީއޯސީ) އިން ވިދާޅުވެއްޖެއެވެ.
އެޗްއީއޯސީން މިރޭ ބޭއްވި ނޫސްވެރިންގެ ބައްދަލުވުމުގައި އެ ސެންޓަރުގެ ޓެގް ޓީމުގައި ހިމެނިވަޑައިގަންނަވާ ޑރ. ނަޒްލާ މުސްތަފާ ވިދާޅުވީ މި މަހު ރެކޯޑް އަދަދަކަށް ކޮވިޑްގެ ބަލި މީހުން ނިޔާވެފައިވާއިރު އޭގެ ތެރެއިން ގިނަ މީހުން ކޮވިޑް ވެކްސިންގެ އެއްވެސް ޑޯޒެއް ޖަހާފައިނުވާ ކަމަށެވެ.
"މި މަހު ނިޔާވި 39 މީހުންގެ ތެރެއިން 64 ޕަސެންޓް މީހުން ވެކްސިންގެ އެއްވެސް ޑޯޒެއް ނުޖަހާ. ވެކްސިންގެ ފުރަތަމަ ޑޯޒް ފުރިހަމަ ކޮށްފައިވަނީ 24 ޕަސެންޓް މީހުން. ވެކްސިންގެ ފުރަތަމަ ޑޯޒް ފުރިހަމަކޮށްފައިވާ ކަމަށް ބަލަނީ ފުރަތަމަ ޑޯޒް ޖަހާތާ 14 ދުވަސް ވެފައިވުން" ޑރ. ނަޒްލާ މުސްތަފާ ވިދާޅުވިއެވެ.
ޑރ. ނަޒްލާ ވިދާޅުވި ގޮތުގައި، ނިޔާވި މީހުންގެ ތެރެއިން ވެކްސިންގެ ދެ ޑޯޒް ފުރިހަމަ ކޮށްފައި ވަނީ 12 ޕަސެންޓް މީހުންނެވެ.
މީގެއިތުރުން ޑރ. ނަޒްލާ ވިދާޅުވީ ނިޔާވި މީހުންގެ ތެރެއިން 80 ޕަސެންޓް މީހުންނަކީ އުމުރުން ދުވަސްވީ މީހުން ކަމަށާއި 17 ޕަސެންޓް މީހުންނަކީ 60 އަހަރުން ދަށުގެ މީހުން ކަމަށެވެ.
ޥެކުސިންކޮޅުު ބަންގާޅީންް ނައްޖެހީމަަ ދެންދިވެހުންް ޖަހާނީީ ކިހިނެއް