ޤާނޫނު އޮތީ އަންހެނުން ހިމާޔަތް ކުރާ ގޮތަށް ކަމަށް ވިދާޅުވި ވާހަކަ ޤާސިމް ދިފާއު ކުރައްވައިފި
އަންހެނަކު ކޮންމެ ފަދަ ދޮގެއް ވެސް ހަދައިފާނެ ކަމަށާއި ގެވެށި އަނިޔާގެ ޤާނޫނު އޮތީ ވަރަށް ބޮޑަށް އަންހެނުން ހިމާޔަތް ކުރާ ގޮތަށް ކަމަށް ވިދާޅުވެ ޖުމްހޫރީ ޕާޓީގެ ލީޑަރު ގާސިމް އިބްރާހީމް ދެއްކެވި ވާހަކަ އެ މަނިކުފާނު ދިފާއު ކުރައްވައިފިއެވެ.
ރައްޔިތުންގެ މަޖިލީހުގެ ކެނދިކުޅުދޫ ދާއިރާގެ މެމްބަރު އަހުމަދު އީސަ އޭނާގެ ކުރީގެ އަންހެނުންނަށާއި ދަރިފުޅަށް އަނިޔާކުރި ކަމަށް ބުނާ މައްސަލައެއް ފެންމަތިވެ ، އޭނާގެ މައްޗަށް ގެވެށި އަނިޔާގެ މައްސަލައެއް ފުލުހަށް ހުށަހަޅައިފައި ވަނިކޮށް ގާސިމް ވިދާޅުވީ އީސަ އެފަދަ ކަމެއް ކުރައްވަފާނެ ކަމަށް ޤަބޫލުފުޅު ނުކުރެއްވޭ ކަމަށެވެ. އަދި އަންހެނަކު ކޮންމެ ފަދަ ދޮގެއް ވެސް ހަދައިފާނެ ކަމަށާއި ގެވެށި އަނިޔާގެ ގާނޫނު އޮތީ ވަރަށް ބޮޑަށް އަންހެނުން ހިމާޔަތް ކުރާ ގޮތަށް ކަމަށް ވިދާޅުވެ މަޖިލިސް މެމްބަރުންގެ ވަޓްސްއެޕް ގްރޫޕެއްގައި ގާސިމް ވަނީ އީސަ ދިފާއު ކުރައްވައިފައެވެ.
މި ކަން އާންމުވެ ، ޤާސިމްއަށް ފާޑު ކިޔުން އަމާޒުވުމުން އެ މަނިކުފާނު ވަނީ އަނެއްކާ ވެސް އެ ބަސްތައް ދިފާއު ކުރައްވައިފައެވެ. އޮންލައިން ނޫހަކަށް ދެއްވި އިންޓަވިއުއެއްގައި ގާސިމް ވިދާޅުވީ އެ އެމަނިކުފާނު ދެއްކެވީ ގާނޫނު އަސާސީއާއި ގާނޫނުތަކުގައި އޮންނަ ގޮތުގެ ވާހަކަ ކަމަށާއި އެއީ މީހަކު ދިފާއު ކުރައްވަން ދެއްކެވި ވާހަކައެއް ނޫން ކަމަށެވެ.
"އަޅުގަނޑު އެގޮތަށް ، މިދެންނެވީ އެއްވެސް މީހެއްގެ ދިފާއަކު ނޫން ، އެކަންކަން ވަރަށް ބޮޑަށް ތަހައްމަލް ކޮށް ތަޖުރިބާ ކޮށްފައި ހުރި މީހެއްގެ ހައިސިއްޔަތުން އަޅުގަނޑު މި ދަންނަވަނީ ގާނޫނު އަސާސީއާއި ގާނޫނުތަކާ ޚިލާފަށް އެއްވެސް މީހަކު ހައްޔަރެއް ނުކުރެވޭނެއޭ"ރަސް އޮންލައިންއަށް ގާސިމް ވިދާޅުވެފައި ވެއެވެ.
މެމްބަރު އީސަގެ މައްޗަށް ކުރެވުނު ތުހުމަތުތަކާއެކު އޭނާ މިހާރު ވަނީ އެމްޑީޕީގައި އޭނާ ހިމެނޭ ކޮމިޓީތަކުން ސަސްޕެންޑް ކޮށްފައެވެ.
ޤާސިމަކީ އަޅުގަނޑުގެ ބަލި އަނބިމީހާއަށް އެހީތެރިވެ ދޭނަމޭބުނެ،ރަށުގެ ރައްޔިތުން ކުރިމަތީ ވަރަށް ބޮޑު ދޮގެއް ހަދާފައި ހުރިމީހެއް. މިވަރު މީހަކު ދައްކަފާނެ ކޮންމެ ފަދަ ވާހަކައެއް ވެސް.
ކަމުދާވަރަށް ދޮގު ހަދާާކަމަށް ވާނީ ބުރުމާގެ އަންހެނުން…
އަންހެނުން ދޮގު ހަދާނެ. އަންހެނަކު ކިޔައިދިން ވާހަކައެއްގައި މި ބުނަނީ، 18 އަހަރުވެފައި ހުރި ފިރިހެނަކާއި އެއްކޮން ތަނަކަށް ވަންނަމުން އަންހެން ކުއްޖާކައިރި 18 އަހަރު ވެއްޖެހޭ އެހީމައި އަސްލު އުމުރަކީ 16 އަހަރުކަމުގައިވިޔަސް، 18 އަހަރު ވެއްޖެއޭ ބުނީމޭ. ދެން މިކަހަލަ ގޮތަކަށް ދެމީހުން އެއްބަސްވެގެން އުޅުނަސް ފިރިހެންމީހާ މި ގޯސްވަނީ. އަންހެނުން މިނަގަނީ މިކަމުގެ ނާޖައިސް ފައިދާ
ނ މަށަކީ އަންހެނެއް ކަމަކު ޤާސިމް އެދެއްކި ވާހަކަ އަކީ ހަމަކަންއޮތްގޮތުގެ ވާހަކަ.