ގިނަ މީހުންގެ ސަމާލުކަމަށް އައީ ޕްރިންސް ވިލިއަމް ވެކްސިން ޖެހުމެއް ނޫން!
އިނގިރޭސިވިލާތުގެ ޝާހީ އާއިލާއަކީ މީސް މީޑިއާގައި އެންމެ މަގުބޫލު އެއް އާއިލާއެވެ. އެ އާއިލާއާ ބެހޭ ގޮތުން ކިތަންމެ ކުޑަ ވާހަކައެއް ފެންމަތިވުމުން ވެސް އެ ވާހަކަ މީސްމީޑިއާގައި ހަލުވިކަމާ އެކު ފެތުރިގެން ދެއެވެ.
ދާދި ފަހުން ވެސް މިވަނީ އެފަދަ ވާހަކައެއް ފެންމަތިވެފައެވެ.
ޝާހީ އަމީރު ވިލިއަމް، ކޮވިޑް-19އިން ދިފާއު ވުމަށް ވެކްސިންގެ ފުރަތަމަ ޑޯޒް ޖެއްސެވިކަން މިދިޔަ އަންގާރަ ދުވަހު ވަނީ ފޮޓޯއަކާ އެކު ހާމަކޮށްފައެވެ.
ނަމަވެސް އެ ފޮޓޯގަނޑު ފެނުމުން ގިނަ މީހުންގެ ސަމާލުކަން ބޮޑަށް ހުއްޓުނީ ކޮވިޑް-19 އަކަށް އަދި ވެކްސިންއަކަށް ވެސް ނޫނެވެ. ގިނަ މީހުންގެ ސަމާލުކަން ދިޔައީ ޕްރިންސް ވިލިއަމްގެ ހަށިގަނޑަށެވެ.
ވެކްސިންގެ ފުރަތަމަ ޑޯޒް ޖެއްސެވިކަން ހާމަ ކުރައްވަމުން ޓްވިޓާގައި ޕްރިންސް ވިލިއަމް ޕޯސްޓު ކުރެއްވި އެ ފޮޓޯއަށް ކޮމެންޓުކުރި ގިނަ މީހުން ވަނީ އެމަނިކުފާނުގެ ބައިސެޕްސްއަށް ތައުރީފުކޮށް ކޮމެންޓު ކޮށްފައެވެ.
އޭގެ ތެރެއިން އެކަކު ބުނީ، އެހެންމީހުންގެ ނަޒަރު ޕްރިންސް ވިލިއަމް ވެކްސިން ޖެއްސެވުމަށް ހުއްޓިފައިވާ އިރު، އޭނާގެ ނަޒަރު ހުރީ އެ މަނިކުފާނުގެ ބައިސެޕްސްއަށް ކަމަށެވެ. އެހެން މީހަކު ބުނެފައި ވަނީ މީހަކާ ކައިވެނި ބައްލަވައިގެން އުޅުއްވަމުން އެފަދަ ރީތި އަތެއް އެހެން މީހުންނަށް ދެއްކުމަކީ މަނާކަމެއް ކަމުގައި ހަދަން ޖެހޭނެ ކަމަށެވެ.
ޕްރިންސް ވިލިއަމް ވެސް މިދިޔަ އަހަރު ވަނީ ކޮވިޑް-19 އަށް ފައްސިވެ، އެ ބަލިން ފަސޭހަ ވެފައެވެ. ވެކްސިންގެ ފުރަތަމަ ޑޯޒް ޖެއްސެވިކަން ހާމަ ކުރައްވަމުން އެމަނިކުފާނު ވަނީ ސިއްޙީ ޚިދުމަތްތެރިންނަށް ފަށްފަށުން ޝުކުރު އަދާކޮށްފައެވެ.
މަގޭ ހިތަށް އެރީ އެޓީޝާޓިގެ އަތް އޮޅާ ކޮންޑުން މައްޗަށް ނެގީ ކިހިނެތް ބާއޭ
މަވެސް ހަމަ ތިހެން ހިތަށްއަރައިގެން ކޮމެންޓް ކުރަން ބެލިއިރު މިއޮތީ ކޮމެންޓް ކޮއްފަ. ގުރޭޓު މައިންޑްސް ތިންކް އެލައިކު
މައެސް ހިތައްއެރީ ޓީޝާޓް އެރުވުނު ގޮތެއް
ޢާޅޭސް މަވެސް ހިތައް އެރީ ހަމަ ތިޔާހެން .
ފައްކާ ބައިސެޕްސް އެއް