ސުކޫލު ދައުރުގައި އަންހެން ކުދީންނާ ރައްޓެހިވާން ސަންޖޭ އެހީ ވެދިން - ވިވެކް
ސުކޫލު ދައުރުގައި އަންހެން ކުދީންނާ ރައްޓެހިވާން އެހީވެ ދިނީ ސަންޖޭ ދަތުކަމަށް ވިވެކް އޯބްރޯއީ ބުނެފިއެވެ.
ވިވެކް ބުނީ އަޖްމަރގައި ވިވެކްގެ ބައްޕަ ސުރޭޝް އޯބްރޯއީއާ އެކު ސަންޖޭ ދަތު ފިލްމު ޝޫޓް ކުރަން އުޅުނު އިރު އޭނާ ހުރީ އަޖްމަރގެ ބޯޑިންގ ސުކޫލެއްގައި ކަމަށާއި ސަންޖޭ ބުނި “ޓިޕްސް”ތައް ބޭނުން ކުރުމުން “މިޝަން ވަރަށް ކާމިޔާބު”ކަމަށެވެ.
ވިވެކް ބުނި ގޮތުގައި އޭނާއާއެކު އަންހެން ކުދިންގެ ސުކޫލު ކައިރިން ހިނގާލަން ދާން ސަންޖޭދަތު ކިބައިން އެދުނު ކަމަށެވެ. އަދި ސަންޖޭއާ އެކު ފެނުމުން ކުދިންތައް ހީވީ “މޮޔަ” ވިހެން ކަމަށް އޭނާ ބުންޏެވެ.
އިންޑިޔާގެ ނޫހަކަށް ދިން އިންޓަވިއުއެއްގައި އޭނާ ވަނީ ސުކޫލު ދައުރުގެ ހަނދާންތައް އާކޮށްފައެވެ. މިހާރު ކައިވެންޏެއްކޮށް ދެ ކުދިން ވެސް ލިބިފައިވާ ވިވެކްގެ އަނބިމީހާއަކީ މީޑިއާ އެހާ ރައްޓެހި މީހެއްނޫނެވެ.
ވިވެކް ވަނީ ކާމިޔާބު އެތައް ފިލްމެއްގައި ހަރަކާތްތެރިވެފައެވެ. ވިވެކްގެ އެންމެ ކާމިޔާބު ފިލްމަކީ “ސާތިޔާ”އެވެ. މީގެ އިތުރުން “ކްރިޝް 2”ގައި އޭނާ ކުޅުނު ނުބައި ބައި ރޯލަށް ގިނަ ބައެއްގެ ތައުރީފް ލިބިގެން ދިޔައެވެ.
