މުސްކުޅި މީހަކަށް އަނިޔާ ކުރާ ވީޑިއޯއަކީ ހުޅުމާލެ ފެސިލިޓީގެ ވީޑިއޯއެއް، މައްސަލަ ދަނީ ބަލަމުން
މުސްކުޅި މީހަކަށް އަނިޔާ ކުރާ ވީޑިއޯއަކީ ހުޅުމާލެ ފެސިލިޓީގެ ވީޑިއޯއެއްކަމަށާއި މައްސަލަ ދަނީ ބަލަމުން ކަމަށް ސަރުކާރުން ވިދާޅުވެއްޖެއެވެ.
ހުޅުމާލޭ މެޑިކަލް ފެސިލިޓީގައި އެޑްމިޓު ކޮށްފައިވާ އުމުރުން ދުވަސްވީ މީހަކަށް ބިދޭސީއަކު އަނިޔާ ކުރާ މަންޒަރު ދައްކުވައިދޭ ވީޑިއޯއެއް މިހާރު ދަނީ މީސްމީޑިއާގައި ދައުރުވަމުންނެވެ.
މި މައްސަލައާ ގުޅިގެން ރައީސް އޮފީހުގެ ތަރުޖަމާނު މަބްރޫކް ޢަބްދުލްއަޒީޒް ވިދާޅުވީ އުމުރުން ދުވަސްވީ އެ މީހާއަށް އަނިޔާ ކުރި އެ މީހާއަކީ، އާއިލާގެ ފަރާތުން އެތަނުގައި (އެ މީހާ ބެލުމަށް) ބެހެއްޓި މީހެއް ކަމަށެވެ.
އުމުރުން ދުވަސް ވީ ފިރިހެން މީހާއަށް އަނިޔާކުރި މީހާ އެތަނުން ފޮނުވައިލާ އާއިލާއަށް ވެސް އެކަން އަންގާފައިވާ ކަމަށާއި، މި މައްސަލަ މިހާރު ފުލުހުން ބަލަމުން ގެންދާ ކަމަށް ވެސް މަބްރޫކް ވިދާޅުވިއެވެ.
މިމައްސަލައިގައި ފުލުުހުން ވިދާޅުވީ މިއަދު ހަވީރު 4:30 ހާއިރު މިމައްސަލަ ހުޅުމާލޭ ކޮވިޑް ފެސިލިޓީން ފުލުހުންނަށް ހުށަހަޅާފައިވާ ކަމަށާއި މިމައްސަލައިގައި އުމުރުން 31 އަހަރުގެ ބަނގްލަދޭޝް މީހަކު ފުލުުހުންގެ ބެލުމުގެ ދަށަށް ގެނެސްފައިވާ ކަމަށެވެ.
އަނިޔާ ލިބުނު އުމުރުން ދުވަސް ވީ އެ މީހާގެ ކަންކަން މިހާރު ބަލަމުން ގެންދަނީ އެޗްއެމްއެފް ގެ ފަރާތުންނެވެ.
ފުނުވާލަންތަ ޖެހެނީ. ހައްޔަރު ނުކުރެ.
ރަށައް ފޮނުވާލާފައި މައްސަލަބަލާތި