އާ މޫނުތަކަކާ އެކު ކަޕިލް ޝަރްމާ ޝޯ އެބުރި އަންނަނީ
މިއަހަރު ފެބްރުއަރީ މަހުގެ ތެރޭގައި ހުއްޓައިލި ކަޕިލް ޝަރްމާ ޝޯ ޖުލައި މަހު އަނެއްކާ ވެސް ޓީވީން ދައްކަން ފަށާނެ ކަމަށް އޭނާ ބުނެފިއެވެ.
ކަޕިލް ޝަރްމާ ޝޯ ހުއްޓައިލައިފައި ވަނީ މި ޝޯ ހުށަހަޅާދޭ ކަޕިލް ޝަރްމާއަށް ދެވަނަ ދަރިޔަކު ލިބުމާ ގުޅިގެން އާއިލާއަށް ވަގުތު ހުސް ކުރުމުގެ ގޮތުންނެވެ،
ކަޕިލް ޝަރްމާ ޝޯއަކީ ގިނަ ބައެއްގެ ތެރޭގައި މަޤްބޫލު ހެއްވާ މަޖާ ޝޯއެވެ. ކަޕިލް ޝަރްމާ ބުނެފައި ވަނީ ޖުލައި މަހު އަނެއްކާ ވެސް ޓީވީއަށް ޝޯ އެބުރި އަންނައިރު ޝޯއަށް ބަދަލުތަކެއް އަންނާނެ ކަމަށެވެ. މިގޮތުން ޝޯގައި އިތުރު އެކްޓަރުން ފެންނާނެ ކަމަށާއި އަދި ޝޯ އިތުރަށް ފުރިހަމަ ކުރުމުގެ ގޮތުން ޝޯ ލިޔަން އިތުރު މީހުން ވެސް ނަގާފައިވާނެ ކަަމަށް ވެސް އޭނާ ބުނެފައި ވެއެވެ.
ކަޕިލް ޝަރްމާ ޝޯގައި ބައިވެރިވާ ބޭނުންވާ އެކްޓަރުން ނުވަތަ ލިޔުންތެރިން ތިބިނަމަ އޭނާއަށް ޚަބަރު ވުމަށް ކަޕިލް ޝަރްމާގެ އިންސްޓަގްރާމްގަައި ކުރި ޕޯސްޓެއްގައި ވަނީ ބުނެފައެވެ.
ބޮލީވުޑްގެ ޚަބަރު ގެެނެސްދޭ މީޑިއާތަކުން ބުނެފައި ވަނީ މިއަހަރު ނެރޭ ކަޕިލް ޝަރްމާގެ ޝޯގެ އާ ސީޒަން އެހެން ސީޒަންތަކާ ތަފާތު ވާނެ ކަމަށެވެ. އަދި ޝޯ ބިނާވެފައި އޮންނާނީ މުޅިން ތަފާތު ފޯމެޓަކަށް ކަމަށް މީޑިއާ ރިޕޯޓްތައް ބުނެއެވެ.
ކަޕިލް ޝަރްމާ ޝޯއަކީ ހަފްތާއަކު އެއް ދުވަހު ގެެނެސްދޭ ޝޯއެކެވެ. މިޝޯގައި މަޝްހޫރު ބޮލީވުޑްގެ ތަރިން، އެމީހުންގެ ފިލްމްތައް ޕްރޮމޯޓް ކުރުމަށް ބައިވެރިވެއެވެ. މިއަހަރުގެ ސީޒަން ވެސް ދެއްކުމަށް ހަމަޖެހިފައި ވަނީ ސޮނީ އެންޓަޓައިމެންޓް ޓެލެވިޒަން އިންނެވެ.
