ކޮވިޑް-19ގެ ހާލަތު ބެލުމަށް ކޮންމެ އަތޮޅަކަށް ސަރުކާރުން އިސް ފަރާތެއް ކަނޑައަޅައިފި
ކޮވިޑް-19ގެ ހާލަތު ބެލުމަށް ކޮންމެ އަތޮޅަކަށް އިސް ފަރާތެއް ސަރުކާރުން ކަނޑައަޅުއްވައިފިއެވެ.
ހެލްތު މިނިސްޓްރީން މިއަދު ކުރެއްވި އިއުލާނެއްގައި ވިދާޅުވީ ރާއްޖޭގައި ހަލުވި ކަމާއެކު ފެތުރެމުންދާ ކޮވިޑް-19 އާ ގުޅިގެން އަތޮޅުތަކުގެ ހާލަތު ބެލުން އިތުރަށް ހަރުދަނާ ކުރުމަށާއި، ކޯޑިނޭޝަން އިތުރަށް ރަނގަޅު ކުރުމަށް ޓަކައި ކޮންމެ އަތޮޅަކަށް ސަރުކާރުގެ ފަރާތުން އިސް ފަރާތެއް ކަނޑައަޅުއްވާގޮތަށް ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙް ހަމަޖައްސަވައިފި ކަމަށެވެ.
މިގޮތުން، އެކި މިނިސްޓްރީތަކުން ސްޓޭޓް މިނިސްޓަރެއް ނުވަތަ ޑެޕިއުޓީ މިނިސްޓަރެއް ކޮންމެ އަތޮޅަކަށް ވަނީ ކަނޑައަޅުއްވާފައި ކަމަށާއި އެ ބޭފުޅުން މަސައްކަތް ކުރައްވާނީ، ކައުންސިލްތަކާއި، ޓާސްކްފޯސްތަކާއި ގުޅިގެން އެ އަތޮޅެއްގައި ކޮވިޑް-19 ކޮންޓްރޯލްކޮށް ހުއްޓުވުމަށް ކުރަމުންދާ މަސައްކަތުގައި ހުރި މައްސަލަތަކާއި، ދަތިތައް ހެލްތު އެމަރޖެންސީ އޮޕަރޭޝަން ސެންޓަރަށް އަދި ކަމާ ގުޅުން ހުރި ފަރާތްތަކުގެ ސަމާލުކަމަށް ގެނެސްދެއްވާ އަދި އެކަން ހިނގާނުހިނގާ ގޮތް މޮނިޓަރ ކުރެއްވުމަށް ކަމަށް ވެސް ހެލްތު މިނިސްޓްރީގެ އިއުލާނުގައި ވިދާޅުވެފައި ވެއެވެ.
ރާއްޖޭގައި ކޮވިޑް-19 ފައްސިވާ އަދަދު ވަނީ އިންތިހާއަށް މައްޗަށް ގޮސްފައެވެ. އެގޮތުން އިއްޔެ ވެސް 901 މީހުން މި ބައްޔަށް ރާއްޖެއިން ފައްސިވެފައިވާ އިރު، ފައްސި ވީ ޖުމްލަ އަދަދު މިހާރު ވަނީ 61،844 އަށް އަރައިފައެވެ.
މިހާރުވިސް ތިބީ 5000 ހާސް މިހަކައް މީހިކުލާފަ އެމީހުން ބަލާލާނި އަނެއްކާވެސް 5އަހަރުވުމުން ކޮބާތޯވިސް ދެން
ކޮލަރާގެ ދުވަސްވަރު ދެތިން ފިބާއަކާއި ޕިން ފޮށްޓަކާއި ވޯކީޓޯކީ އަކާއި ރޭޑިޔޯ ސެޓަކާ ހިފައިގެން އިނދެ މަރުޙޫމު ސައިކުރާ ނަޢީމު ކުރިވަރު މިތަޢުލީމީ ޓެކުނޮލޮޖީގެ ދުވަހު ނުކުރެވުނު.އެދުވަހު ވަޅު ތަކަށް ބޭސް އަޅާ ބަލިމީހުންނަށް ބޭސްދީ ޖޫސް ދެންޏާ ޖޫސްދީ ގަޑިން ގަޑިއަށް ބަރާބަރަށް ރައީސަށް ރިޕޯޓު ދެވުނު. ނައީމު އަތުގަ އެއްޑިގުރީއެއްނެތް