މޭކަޕް އާޓިސްޓަކަށް ވުމުގެ ފުރުސަތެއް ދަރިފުޅަކަށް ނެތް: ޓްވިންކަލް
ބޮލީވުޑްގެ އެކްޓަރުންނަށް ބަލާއިރު އަކްޝޭ ކުމާރާއި އޭނަގެ އަންހެނުން ޓްވިންކަލް ކަންނާ އަބަދުވެސް ފާހަގަ ވެފައިވަނީ ވަރަށް މަޖާ މިޒާޖެއްގެ ދެމަފިރިންގެ ގޮތުގައެވެ. ޚާއްސަކޮށް ޓްވިންކަލްއަކީ މީސްމީޑިއާގައި ޕޯސްޓެއް ކުރިޔަސް ވެސް، ގިނަ ފަހަރަށް އެހެން މީހުން ހެއްވާލާ ކަހަލަ އެއްޗެއް ބުނެލާ މީހެކެވެ.
އިންޑިއާގެ ކޮވިޑް ހާލަތާ ގުޅިގެން މިހާރު ގިނަ ރައްޔިތުން ގޭގައި ތިބިއިރު، ޓްވިންކަލް ވެސް ގެންދަނީ އޭނާގެ ފިރިމީހާއާއި ދަރިންނާ އެކު ގޭގައި ވަގުތު ހޭދަ ކުރަމުންނެވެ.
އެގޮތުން އިންސްޓަގްރާމްގައި އިއްޔެ ޓްވިންކަލް ވަނީ އޭނާގެ ފޮޓޯއެއް ހިއްސާ ކޮށްފައެވެ. އެ ފޮޓޯއިން ފެންނަނީ އޭނާ ވަރަށް ރީތިކޮށް ހެވިފައި އިން އިރު، މުޅި މޫނުގައި އެގޮތް މިގޮތަށް މޭކަޕް ހާކައިފައި ހުއްޓައެވެ.
އެ ފޮޓޯގެ ކެޕްޝަންގައި ޓްވިންކަލް ލިޔެފައި ވަނީ، އޭނާއަށް އަނެއްކާ ވެސް "މޭކް އޯވަރ"އެއް ލިބިފައިވާ ކަމަށާއި މިއީ އޭނާއަށް ދޭ އަދަބެއް ކަމަށް ވެސް ބެލެވޭ ކަމަށެވެ. އަދި އޭނާގެ ކުޑަދަރިފުޅު ބޮޑުވެގެން މޭކަޕް އާޓިސްޓަކަށްވުމުގެ އެއްވެސް ފުރުސަތެއް ނެތްކަމަށް ވެސް މަޒާޖީ ގޮތަކަށް އޭނާ ބުނެފައިވެއެވެ.
Ads by STO
